元朗燒賣皇后妙舒

營業中

休息中

黎得元朗覓食，一定聽過又聽過又新街。皆因燒烤店林立，由元朗大馬路一轉入又新街，就可以聞到bbq嘅炭燒香味。今日要介紹嘅係响轉轉角處嘅燒賣皇后，叫得燒賣皇后，當然係主打燒賣，蒸嘅有，燒烤嘅有。呢度嘅燒賣並唔係一般魚肉燒賣，而係响茶樓先食到嘅豬肉燒賣，裡面加入冬菇，香氣十足。本人推薦燒烤豬肉燒賣，加埋沙嗲汁，有辣有唔辣，相當惹味。記得即燒即食，因為試過外賣返屋企光波翻熱，口感已大不同。另外仲有其他肉類，海鮮蔬菜等燒烤選擇。以下係串燒雞翼供大家參考。香料味重，可惜不太特別。此外，聽聞燒牛舌亦不錯。可惜本人怕膻，無緣一試。