蕉積妹 (已搬遷) 新店位置

好耐冇去過葵廣 想要嗰日放工之後同朋友一齊去葵廣掃街😎佢一去到已經話想食呢間蕉積妹 話呢間嘢好出名 我以為應該到到都差唔多 因為甜品周街都係點知去到附近 已經聞到好香嘅酥皮味 而且仲有浸淡淡的朱古力味😍 可能我哋去嘅時候比較夜 所以冇咩人排隊 原本諗住嗌煉奶做其中一個配料 點知佢話原來每個pancake都有少少煉奶喺個底度 所以我就叫左榛子醬同阿華田粉😍等咗大約5分鐘到 新鮮熱辣嘅pancake就出爐啦 餅皮非常酥脆 內裏十分煙靭 佢入邊應該有啲香蕉蓉 配上無敵嘅榛子醬同阿華田粉 簡直係味覺視覺同嗅覺嘅三重享受🤤