影片
更多
2008-06-03
8 瀏覽
剛剛係5月31號去食過, 我之前有上過來OPEN RICE睇, 心諗堂堂一間大酒店D自助餐應該不會太差, 去完之後覺得寫食評話呢間餐廳唔好食既朋友一D都無誇張! 以價錢論假日$335一點也不平, 環境一般, 幾嘈, 較迫。食物方面, 刺身, 生蠔, 長腳蟹, 凍蝦, 凍蜆等大把任取, 不用排隊, 這是平價($250以下)的自助餐不會出現的場面。 沙律同生果係好普遍的款式, 每面只得幾款。 熱盤夾埋得十幾樣, 近沙律吧只有四種, 另一面有四種咖哩, 有四,五款串燒, 一碟燒沙甸魚, 有魚餅, 什菜等, 仲有幾款天婦羅, 出新一輪都無換款, 呢個自助餐標榜日式同東南亞風情, 可是所有菜色都無咩特式, 水準比一般餐廳還低。甜品分到細細份, 但賣相求其, 見到都唔想食。以下係本人食過既野:湯: 蟹肉栗米湯, 無蟹肉, 只有平價蟹柳冷盤: 三文魚夠凍但有渣, 沒有甜味, 長腳蟹同生蠔幾好, 夠大件! 蝦蜆龍蝦仔過得去, 無咩鮮味生果: 紅毛丹, 波蘿, 西瓜, 哈密瓜 (正常) 熱盤: 意粉係最好食, 咖哩好稀, 味淡, 牛肉炒拉麵好油, 魚餅同魷魚一般。天婦羅只係軟殼蟹好食, 炸青口好"U
以價錢論假日$335一點也不平, 環境一般, 幾嘈, 較迫。
食物方面, 刺身, 生蠔, 長腳蟹, 凍蝦, 凍蜆等大把任取, 不用排隊, 這是平價($250以下)的自助餐不會出現的場面。 沙律同生果係好普遍的款式, 每面只得幾款。 熱盤夾埋得十幾樣, 近沙律吧只有四種, 另一面有四種咖哩, 有四,五款串燒, 一碟燒沙甸魚, 有魚餅, 什菜等, 仲有幾款天婦羅, 出新一輪都無換款, 呢個自助餐標榜日式同東南亞風情, 可是所有菜色都無咩特式, 水準比一般餐廳還低。甜品分到細細份, 但賣相求其, 見到都唔想食。以下係本人食過既野:
湯: 蟹肉栗米湯, 無蟹肉, 只有平價蟹柳
冷盤: 三文魚夠凍但有渣, 沒有甜味, 長腳蟹同生蠔幾好, 夠大件! 蝦蜆龍蝦仔過得去, 無咩鮮味
生果: 紅毛丹, 波蘿, 西瓜, 哈密瓜 (正常)
熱盤: 意粉係最好食, 咖哩好稀, 味淡, 牛肉炒拉麵好油, 魚餅同魷魚一般。天婦羅只係軟殼蟹好食, 炸青口好"UN"。D 串燒最離譜, 用埋D超市貨, 只係煮返熱你食, 有雞肉(好甜又乾), 有帶子(好細粒, 又乾又硬), 有墨魚咀(無味,唔知食左咩咁), 同係日式餐廳食既係兩回事!!
澳洲和牛係呢個自助餐既賣點, 可惜言過其實, 我食左兩碟, 第一碟係比較好既牛柳粒, 一坐低就叫, 幾香, 有肉汁。但係相隔三十分鐘再叫的那碟, 好明顯變左另一種牛, 外表已經唔同, 好暗啞, 食落好"鞋", D肉有D"梅", 比大X樂的扒餐還差! 不知是和牛供應有限定係有人想魚目混珠!
甜品: 朱古力噴泉: 味都OK 既, 不過好慳皮, D 生果沾了朱古力醬後到後埋位食都完全唔會變硬, 估計係D醬太稀既原故。D 'H牌"雪糕有四款, 不知是否正貨, 因為無試真, 原因係D雪糕唔夠凍, 一"不"'落去已經好軟, 返到座位已經溶了一半, 雪糕唔夠凍會好易有細菌, 所以試左少少味就無再食。另外一面有D金泊朱古力, 入面的生果雪到冰晒, 入晒雪好難食! D心太軟就不錯。甜品檯果面D甜品沒有點食過, 只試了芝士餅, 好慳皮, 無咩芝士味, 去CAFE SHOP果D 好得多!
總括黎講, 呢個自助餐係不值得去的, 尖咀大把差不多或平一百蚊位的酒店好食過佢多多聲, 又多款。 呢度晚餐$335位既食物同消夜$165位係幾乎一樣, 如果閣下仍然想去食, 建議你食消夜, 價錢平了一大截, 要求可能會降低一點, 滿意度應該會高一點。
張貼