韓一館 (已結業)

呢間食過2、3次，但次次都冇食韓燒，不過食物都唔錯，韓菜黎講勝在夠平，之前黎食好似仲有特價小食飲品，今次就冇咗。試左個鐵板鮮魷炒牛肉，甜甜辣辣又夠熱，好鬼惹味，而且份量都唔少，要黎送飯一流﹗又點左個韓式餃子，好期待會係咩款，原來賣相都幾cutie，都係以豬肉做餡，夾雜韓國泡菜，但不會辣，size算大粒，煎得香口。主菜會送飯同韓國湯，湯飲得出冇味精，幾清淡，好好飲，為起$60-70一個set，好抵食!下次會試下呢度既韓燒，望過價錢牌都係$60-80一款選擇，有牛有海鮮，可以揀包飯的套餐，又可加錢加前菜，唔夠食可另外再散叫其他食物，選擇幾有彈性。