SuperNormal (淘大商場2期)

營業中

休息中

同阿女去咗淘大商場shopping，感到肚餓，於是就周圍搵食，見到SuperNormal 這家餐廳裝修特別並帶有復古味道，氣氛唔錯，於是就入去食晚餐。見到餐牌內原價$228的豬手，特價$148，非常抵食，仲有如果like +share+comment佢哋嘅社交平台呢個post，仲會免費送季節性特飲一杯（士多啤梨青檸梳打），所以千其唔可以錯過呀！柚子麥啤浸泰式秘製汁脆皮豬手$148豬手用柚子麥啤浸泡8小時，令豬肉滲透着柚子的清香及啤酒的麥香，豬皮脆口又煙靭，且不覺肥膩，再點埋嗰辣辣地嘅泰式秘製醬汁，好味到不得了。芥末牛肉沙律$88沙律菜清新爽脆，牛肉色澤粉嫩，肉質鬆化肉味濃，芥末更是牛肉的最佳配搭，再加埋黑醋汁，口感豐富，又開胃。牛油蜆鍋配蒜包$148蜆肉滿有牛油香味，新鮮又肥美，蒜蓉包又鬆脆，愛不釋口。雞泡魚乾$68口感煙韌，咬落鮮甜，加埋沙律醬勁正。