影片
更多
2023-01-16
97 瀏覽
係香港好似無食過葡國菜，就算以前過澳門都唔會專登去食。去葡萄牙旅行果陣亦都係主要食海鮮，無乜點食其他當地既野食。好開心今次有機會去到位於西環既Antonio試下傳統正宗既葡國菜。House Red紅酒飲落味道較neutral帶少少fruity。Portuguese Platter $145葡萄牙人真係好鍾意食Cod fish(鱈魚)，全世界食得最多cod fish既就係佢地。3款用cod fish整成既小食，一款食落好似薯仔咁，一款入邊有creamy既餡，仲有一款食落有少少煙韌。雖然3款都係炸既，但完全唔油，咬落都係脆既。Bitoque $165牛扒用啤酒醃完再煎，個啤酒味淡，反而酸味幾出，因為加左啲pickled veggies。成個汁用黎點麵包幾正，牛扒肉嫩 ，薯條外脆內軟，個飯有少少飯焦呢下估佢唔到，煎蛋邊邊好脆，沙律好清新，仲有啲風乾左一片片既蘋果。Carne de Porco à Alentejana $195呢道菜通常係葡萄牙海邊既地方都會食到，比起牛扒我更加鍾意呢道菜。有豬肉、蜆、薯仔、醃過既椰菜花同紅蘿蔔。Piripiri醬加白酒食落辣辣地，每一啖香得黎好惹味。Port
House Red
紅酒飲落味道較neutral帶少少fruity。
Portuguese Platter $145
葡萄牙人真係好鍾意食Cod fish(鱈魚)，全世界食得最多cod fish既就係佢地。
3款用cod fish整成既小食，一款食落好似薯仔咁，一款入邊有creamy既餡，仲有一款食落有少少煙韌。雖然3款都係炸既，但完全唔油，咬落都係脆既。
Bitoque $165
牛扒用啤酒醃完再煎，個啤酒味淡，反而酸味幾出，因為加左啲pickled veggies。成個汁用黎點麵包幾正，牛扒肉嫩 ，薯條外脆內軟，個飯有少少飯焦呢下估佢唔到，煎蛋邊邊好脆，沙律好清新，仲有啲風乾左一片片既蘋果。
Carne de Porco à Alentejana $195
呢道菜通常係葡萄牙海邊既地方都會食到，比起牛扒我更加鍾意呢道菜。有豬肉、蜆、薯仔、醃過既椰菜花同紅蘿蔔。Piripiri醬加白酒食落辣辣地，每一啖香得黎好惹味。
Portuguese Creamy Milk Dessert
呢個好似我地平時食開既Crème Brûlée，但係葡萄牙style。個質感好creamy好滑，有好香既玉桂味，連我呀媽唔太食甜野既都讚好食。
Vintage Port Wine
2016年既vintage port wine，飲落甜得黎好淳厚，配甜品一流。
張貼
