〰️〰️〰️〰️〰️〰️〰️〰️〰️〰️〰️〰️〰️〰️〰️
🌈 二人前 梅 $468
呢個套餐有沙律，前菜，什錦天婦羅，串燒x2，肉，飯x2！其實份量都好多😵💫食到一半既時候就開始覺得自己唔得了😂
✨是日沙律
芝麻醬豆腐上面有三文魚籽同埋海葡萄，清新開胃
✨ 前菜
我就簡左日式炸雞同和牛他他～
炸雞份量都算多，配上蛋黃醬！上到枱又熱辣辣🫶🏻好正
和牛他他肉質鮮嫩🥰夾埋醃製既酸洋蔥，口感唔會簡單！
✨什錦天婦羅
有炸蝦，南瓜，粟米芯，秋葵！第一次食粟米芯天婦羅😂感覺好新奇！炸皮唔會好厚！唔會食到好油膩
✨串燒
叫左金菇牛肉串同鹽燒雞軟骨～金菇牛肉串都幾大舊😂佢加左好多醬汁！
唔會好乾身好惹味🫶🏻雞軟骨就正常發揮！
✨蟹膏飯
將飯同蟹膏撈埋🫶🏻不過如果蟹膏再多啲啲就好🫣食到最後食唔到蟹膏不過仲有牛肉送飯🤤
✨壽喜燒+野菜豆腐盤+美國安格斯牛肉片
牛肉啲質素真係唔差🤤加埋壽喜燒湯底同埋蛋汁！真係食唔停口😵💫勁快清晒啲肉！
野菜盤入面豆腐真係好滑！啲菜同菇呀配香甜壽喜燒湯底真係絕配
✨青梅酒
✨巨峰提子乳酸梳打
黎到居酒屋又點會少左酒！梅酒味道唔會好甜～但有濃郁嘅梅味！不錯不錯🫣
巨峰提子乳酸梳打就提子味好出～酸酸甜甜！
