好好粥麵 (已結業)

通常只會早餐或者下午茶先會考慮食呢間野。因為一個午餐都成四五十蚊淨係食個面加杯野飲，我寧願食旁邊大家樂。而早餐或者下午茶會食呢間野既原因係因為其他餐廳排晒隊等好耐，而呢一間係永遠唔洗等既餐廳，唯有食佢。當時，唔洗等當然有原因啦，就係每個人係屋企求其煮都好食過呢間餐廳。我覺得間餐廳最差既係個早餐粉面既湯，又話係豬骨濃湯，我一Ｄ味都試唔到出泥，完全唔好飲，同個粉又唔夾。叫個通粉食，每次Ｄ粉都係冧晒，漿晒係個口到，可能係來貨既問題。其他環境服務衛生當然係唔錯啦，無人食既餐廳環境一定清靜啦。其實由呢間餐廳開到依家，我都唔明點解可以咁耐都唔汁，簡直係世界十大奇蹟。唔知其他太和友記唔記得呢間野既前身（津津）。細個個時每次去食完個早餐都充滿力量，而呢間好好，就真係我每次唔想排隊，就餓死先會去食佢。