影片
更多
2021-05-19
151 瀏覽
相信唔少精釀啤酒愛好者，都會對堅尼地城嘅某間酒吧有一定認識，因為佢地同時係一間迷你釀酒廠，有自釀啤酒設備，勁！ 可惜今年已經初結束營業。幸好有本地啤酒生產商決定接手，喺原址開設名為Grain集酒吧&餐飲於一身嘅餐廳。Grain走型格路缐， 用黑、白為主調，配以鮮明色彩搶眼嘅螢光燈，營造出非常時尚大膽風格；餐廳清晰劃分開用餐區同嚐酒區，嚐酒區大約可以容納20人，客人可以近距離同酒保、其他品嚐美酒嘅客人作多方面交流。 今日同朋友中午嚟一試，點咗幾個菜式，部份菜式喺烹調時會加入唔同酒精類飲品。朋友獨愛咖啡，估唔到呢度連一杯熱Mocha都有拉花，做到一絲不苟。 我就叫Gin & Tonic醒醒神，cool~Fried Pigeon 燒乳鴿一改傳统中式做法，改以燒春雞烹調方式，原來一樣可以做到皮脆肉嫩。Grain Avocado Salad 牛油果沙律材料包括杏仁、牛油果、feta羊奶芝士、醋栗，再以香草醬汁提鮮，味道不但清新宜人，而且十分健康。黑啤酒慢煮牛面頰配骨髓批，單係外型已經夠"殺食"，肉批酥脆，食落肉味香濃，配自家製"鬼佬"啤酒一流。Carbonara Pizza包括Mozzarell
幸好有本地啤酒生產商決定接手，喺原址開設名為Grain集酒吧&餐飲於一身嘅餐廳。
Grain走型格路缐， 用黑、白為主調，配以鮮明色彩搶眼嘅螢光燈，營造出非常時尚大膽風格；餐廳清晰劃分開用餐區同嚐酒區，嚐酒區大約可以容納20人，客人可以近距離同酒保、其他品嚐美酒嘅客人作多方面交流。 今日同朋友中午嚟一試，點咗幾個菜式，部份菜式喺烹調時會加入唔同酒精類飲品。
朋友獨愛咖啡，估唔到呢度連一杯熱Mocha都有拉花，做到一絲不苟。 我就叫Gin & Tonic醒醒神，cool~
Fried Pigeon 燒乳鴿一改傳统中式做法，改以燒春雞烹調方式，原來一樣可以做到皮脆肉嫩。
Grain Avocado Salad 牛油果沙律材料包括杏仁、牛油果、feta羊奶芝士、醋栗，再以香草醬汁提鮮，味道不但清新宜人，而且十分健康。
黑啤酒慢煮牛面頰配骨髓批，單係外型已經夠"殺食"，肉批酥脆，食落肉味香濃，配自家製"鬼佬"啤酒一流。
Carbonara Pizza包括Mozzarella 芝士、風乾豬面頰肉、蛋黄材料，啖啖咸香，啖啖芝士；加上烤焗得香脆嘅批邊，令人一試就難以停口，絕對係與三五知己共享首選。
Sour Cherry and Porter Bakewell Tart酸樱桃杏仁撻，以砵酒醬、麥芽雪糕製成，酸中帶甜，炎炎夏日最適合。
Broken Tiramisu
意大利芝士雪糕，以Mascarpone慕絲、牛奶雪糕、黑啤酒、濃縮咖啡焦糖製成，達致香濃、軟滑並重，口感細嫩。
Grain將不同酒精類飲品融入餐牌菜式內，讓食客可以從更多角度發掘到菜式變化嘅奥秘。
張貼
