鯛魚魚湯專門店 (已結業)

位於鰂魚涌商業區嘅鯛魚魚湯專門店 ，係我喺鰂魚涌最鍾意食嘅餐廳之一❤️ 價錢比附近嘅餐廳略貴少許，平日lunch time好旺場，通常都會預早少少落樓去排隊。有時都鍾意趁週末放假唔洗排隊，帶埋屋企人同朋友嚟食晚餐😆今次食鮑魚花膠鯛魚湯手打烏冬($116)，湯底係用鯛魚熬製而成，味道十分鮮甜，可以成碗飲哂，唔係味精湯，飲完都唔會覺得口渴😋 花膠亦都好滑捋捋👍🏼 手打烏冬雖然未至於非常彈牙，但口感都唔錯! 而鮑魚嘅味道就同細細罐嘅罐頭鮑魚小食差唔多。