入去之前先係收銀位置揀套餐同湯底，揀左B餐，２００幾蚊，任食120分鐘，CＰ值都好高💯
一鍋堂主打養生湯，湯底款式有超過 18 款選擇，真係花多眼亂，我地得２個人所以就簡單Ｄ叫左單一湯底:胡椒豬肚湯（鴛鴦湯底就要額外加錢）。
每枱枱面都有備有一壺湯，比客人自己加湯，Ｄ湯聽講話係＂每日以 60 斤豬骨新鮮熬製純豬骨湯膽＂，正！👍🏻👍🏻
火鍋重點牛肉，Ｂ餐幾種牛都試哂
牛板腱：肉質較瘦，有少少筋
牛脷心托：口感薄身，食落有爽滑脆身
封門柳： 脂肪分布平均，肉質嫩滑
美國安格斯牛：大大片，脂肪較多，油脂味濃，牛味厚重
個人排名❤️：美國安格斯＞牛脷心托＞封門柳＞牛板腱
另外，仲叫咗好多唔同種類既野食，每碟份量唔多，可以試多D。最值得一提係白鱔片，新鮮爽滑，重點係無骨，重複點左好幾次✨✨
除左有普通罐裝／盒裝飲品，仲有自家製作養生茶：包括洛神花茶、薄荷烏龍茶、冰糖燉檸檬及玫瑰花黑枸杞茶。今日去就得薄荷烏龍茶同玫瑰花黑枸杞茶２種，我比較鍾意薄荷烏龍茶，感覺比較解膩。
臨走前食埋個香桃雪糕🍑
總括，QＲ Ｃｏｄｅ方式自助落單，上菜非常快，食物新鮮，幾次去食質素都保持到高水準，可以再ＥＮＣＯＲＥ。
1
