九井水産 (已結業)

今日同女朋友仔黎到諾士佛臺，我地唔係黎飲酒，係食日本野。 冇錯，就係<<九井水產>>喇。 我地就點左個2人餐，因為可以試好多類型既野嘛。 <<海膽豆腐>>在豆腐加上海膽及三文籽子，原本味道清淡的豆腐即時變得很有層次。 <<蟹籽沙律>>入口夠爽又清新，加上蟹籽，味道更加豐富。 <<櫻花味鼓湯>> 加左櫻花蝦，美味。 剌身好正，當晚有五款，三文魚，八爪魚，甜蝦，油甘等，十分新鮮甜美。 浜燒有三款，日本扇貝好大隻，入口夠滑又入味。 日本蠔大隻又肥美 <<活鮑魚>>因為加了小小海鹽，所以入口咸咸地，但又幾好嚼勁 揚物是雜錦天婦羅，有三款，海蝦，菇及青椒，炸粉薄薄的，入口唔會覺得好油膩。 <<豚肉泡菜稻庭鳥冬>> 用料豐富，因為加了泡菜的關係，所以有小小辣。 甜品是<<日式和果子>>一碟有四隻味，每一口味都非常精緻，女朋友話有點捨不得食。