影片
更多
2022-01-02
75 瀏覽
近排天氣開始轉涼，梗係要食D可以暖下個身嘅野，所以就約咗幾個朋友去食烤魚雞煲。呢間餐廳其實之前都去過，上次去嘅係太子嘅分店，出品我哋都好滿意，今次試吓呢間深水埗嘅分店。深水埗呢間分店位置上面都係好好搵，我朋友搭巴士嚟，到站直到門口，而且店面都算大，夠光亮，坐得好舒服。上次我地就只係打邊爐同食烤魚，感覺不夠盡興，橫掂任食，今次打算通通試勻佢，又烤魚又雞煲又羊腩煲，超級豐富。呢度會先上個刺身拼盤，基本嘅刺身都有，有甜蝦，三文魚，墨魚，八爪魚等等，任食黎講都算係咁，都算新鮮鮮甜。到主角烤魚，呢個烤魚用嘅係皖魚，非常大條肥美，肉質上可能無咁嫩，但會更緊緻D，而且勝在魚味會比其他魚年，所以食起身除咗有麻辣湯底嘅香味之外都食到魚本身嘅鮮甜味道。最好食就係個魚皮，應該係炸過嚟，而且索晒啲湯汁食起身非常香口。食完啲辣野，就試吓玩下口味食你個羊腩煲，呢個羊腩煲都真係有啲出乎意料地好食，因為佢個醬汁調校得啱啱，十分惹味，而且羊食起身唔至於太騷，而又品嘗到羊肉獨有嘅香味，點少少腐乳食更為過癮。而且肉質好好，唔柴唔韌，仲有少少彈牙嘅感覺，我超級中意。最後就係麻辣雞煲，水準以上，肉質都算嫩，都唔會話好鹹，最抵讚
深水埗呢間分店位置上面都係好好搵，我朋友搭巴士嚟，到站直到門口，而且店面都算大，夠光亮，坐得好舒服。
上次我地就只係打邊爐同食烤魚，感覺不夠盡興，橫掂任食，今次打算通通試勻佢，又烤魚又雞煲又羊腩煲，超級豐富。
呢度會先上個刺身拼盤，基本嘅刺身都有，有甜蝦，三文魚，墨魚，八爪魚等等，任食黎講都算係咁，都算新鮮鮮甜。
到主角烤魚，呢個烤魚用嘅係皖魚，非常大條肥美，肉質上可能無咁嫩，但會更緊緻D，而且勝在魚味會比其他魚年，所以食起身除咗有麻辣湯底嘅香味之外都食到魚本身嘅鮮甜味道。最好食就係個魚皮，應該係炸過嚟，而且索晒啲湯汁食起身非常香口。
食完啲辣野，就試吓玩下口味食你個羊腩煲，呢個羊腩煲都真係有啲出乎意料地好食，因為佢個醬汁調校得啱啱，十分惹味，而且羊食起身唔至於太騷，而又品嘗到羊肉獨有嘅香味，點少少腐乳食更為過癮。而且肉質好好，唔柴唔韌，仲有少少彈牙嘅感覺，我超級中意。
最後就係麻辣雞煲，水準以上，肉質都算嫩，都唔會話好鹹，最抵讚嘅係嘅汁煮得有少少杰，基本上每件雞件面頭都掛住濃厚嘅醬汁，咁食法實入味好好食，朋友都讚不絕口。
食到呢度其實都有少少飽，但係我哋見啲牛肉咁靚，有晒雪花紋路，唔係平時食嘅嗰啲肥牛，絕對係靚牛肉，幾歹都要試下啦。果然無令我地失望，牛肉味超級濃香，口感非常嫩滑，有幾舊都真係做到入口即化嘅效果，肯定咁話係我食過咁多間任食牛肉入面最好食嘅。
最後我地個個飽到肚腩漲到好似個氣球咁，實在食左太多野啦，呢個價錢，任食到咁多野，出品又咁好，野飲又任飲，真係抵到爛！！！
張貼
