影片
更多
2016-05-08
493 瀏覽
賽馬日, 唔識賭馬的幾位, 一齊步入馬場, 這是第一次來沙田馬場, 出東鐵後, 非常大的地方, 轉右, 一條大直路... 忽然.... 想起了"標叔"... 早前閱報, 得知馬場食肆的收入, 一般賽馬日, 大約三百多萬元, 每年最好生意的日子是年初三, 差不多有五、六百萬. 當中兩間餐廳, "百合廳"和"六十年代", 一高一低訂價, 都只是招待會員, 如果不是會員, 又想食又想睇賽事, 此店...啱晒...門口有牌, 寫明... 衣著要求: Smart casual... , 不可穿短褲... 背心.... 涼鞋... , 涼鞋都唔可以??? 香港女士好鐘意著露趾鞋喎...., 唔知係未...上有政策...下有對策個種, 你可以試佢一試... 哈哈...可以睇賽事的餐廳, 當然少不了露台, 由餐廳窗口位出外, 十分寬敞的環境, 望晒馬場前跑道. 回望餐廳內的窗口位, 發現明星: 吳孟達, 身型瘦了很多, 但樣子很精神.吳孟達先生與三位友人, 順風耳...聽到: 第三場... 4號... 嘜..嘜..嘜... 哈哈..馬會近年開拓年輕消費者群, 把原本是一個小投注大堂改裝為西餐廳, 提供
賽馬日, 唔識賭馬的幾位, 一齊步入馬場, 這是第一次來沙田馬場, 出東鐵後, 非常大的地方, 轉右, 一條大直路... 忽然.... 想起了"標叔"...
早前閱報, 得知馬場食肆的收入, 一般賽馬日, 大約三百多萬元, 每年最好生意的日子是年初三, 差不多有五、六百萬. 當中兩間餐廳, "百合廳"和"六十年代", 一高一低訂價, 都只是招待會員, 如果不是會員, 又想食又想睇賽事, 此店...啱晒...
門口有牌, 寫明... 衣著要求: Smart casual... , 不可穿短褲... 背心.... 涼鞋... , 涼鞋都唔可以??? 香港女士好鐘意著露趾鞋喎...., 唔知係未...上有政策...下有對策個種, 你可以試佢一試... 哈哈...
可以睇賽事的餐廳, 當然少不了露台, 由餐廳窗口位出外, 十分寬敞的環境, 望晒馬場前跑道.
回望餐廳內的窗口位, 發現明星: 吳孟達, 身型瘦了很多, 但樣子很精神.
吳孟達先生與三位友人, 順風耳...聽到: 第三場... 4號... 嘜..嘜..嘜... 哈哈..
馬會近年開拓年輕消費者群, 把原本是一個小投注大堂改裝為西餐廳, 提供午餐和下午茶合併的半自助餐, 價錢是$430/位, 主菜分別有5款選擇: 羊、魚、豬、牛、鴨, 適合不同口味的顧客.
無限量供應果汁直到下午一時半, 這杯橙汁, 角度問題, 光線不足, 略為暗色, 跟據專家分析, 是鮮橙汁和果汁先生的混合體, 甜度高, 對我等未老先衰的中年人, 只適宜飲用兩三杯.
Selection of cold cut platter 提供三款凍肉, parma ham, salami, 還有一款類似風乾薄切生牛肉, 是否Bresaola?? 不得而知....
當然三款試齊, 最淡顏色, parma ham, 至於是義國的prosciutto... or 西國的jamon iberico?? 無寫...我程度又低, 食唔出... 中間偏深紅的, 有黑椒邊的salami, 通常來自德國貨. 最深色的, 應該是風乾生牛肉, 那外型不規則, 很難知道..是否Bresaola... 三款cold cut 的味道都沒有預期的鹹, 但香味不減, 用來配麵包或蜜瓜, 都一樣出色.
看見刺身櫃位, 太心急了, 忘記了拍照, 就取下了食物: 三文魚和甜蝦.
甜蝦刺身新鮮, 不需用芥辣, 直接蘸少少醬油便可.
師傅一邊切, 一邊補給, 三文魚有肥有瘦, 當然... 肥間多的, 入口自然更軟滑.
與甜蝦一樣, 新鮮程度滿意, 不要用芥辣, 只蘸些少醬油, 已是美食.
櫃位小紙牌...咁樣樣寫: "南中國海海蝦", 比酒店一般的自助餐, 較為大隻, 當然... 大隻唔一定好, 肉質可能不夠爽口, 但試一口, 無問題, 蝦肉彈牙之餘, 帶些少爽脆, 記緊要蘸店內提供的"熱情果沙律汁", 味道更上一層...
加拿大藍青口, 藍青口的肉質, 比本地貨較嫩滑, 咬落無渣, 餐廳食藍青口, 通常用白酒忌廉奶油著, 味道濃, 自助餐用來做頭盤冷食, 櫃台提供了香辣咯嗲汁 (Spicy cocktail sauce), 蘸一點, 微酸... 中辣... 少甜..., 好開胃...
餐牌上寫上:南中國海的東風螺, 真的不知道, 何地出產的東風螺才算是上品, 但眼前這款, 也不過不失, 鮑魚質地的螺肉, 非常彈口, 大粒, 用刀叉來食, 切少片, 蘸醬油, 同樣一流.
麵包區域, 配備大型多士爐, 提供三款果醬: Raspberry jam, Orange jam, Blueberry jam, 眼前的三款方型麵包, 普通過普通... 我一款都無試, 因為...隔離櫃位有更好的選擇....
右邊的麵包區, 有更多選擇, 丹麥包, 牛角包, 鬆餅, 多士, 麥包, 牛油包, 奶油包, 與友人...每樣只能試半件, 水準中等以上.
不能不提...我的最愛, 類似"德國酸種", 但口感略為軟熟, 出色的德國酸種麵包, 做得最好的出品, 要數金鐘太古廣場內的Great, 而這店的出品, 水準也不遑多讓, 皮脆內軟, 提供 President 小牛油, 味道與盒裝無異, 麵包送白酒... 超正!
此店提供特多芝士, 尤其是重口味的 Cambozola 和 Danish Blue, 當然..., 如果食開Roquefort, 根本不會放在眼內...
Danish Blue, 論重口味, Roquefort排第一, Danish Blue也應該第二, 受不了的人會既吐, 我?? 頂得住...., 塗麵包, 免強可以... 哈哈...
Cambozola, 與Danish Blue 不遑多讓, 同樣屬於重口味, 但質感略有不同, Cambozola 的質感, 有些少似Camembert, 所以, 我會喜歡Cambozola多於Danish Blue.
Red Leicester, 食完上兩隻勁貨, 再食Leicester Cheese, 會感到太淡, 所以Blue cheese一定要最後才食, Red Leicester 的口感, 硬身但純滑, 味道溫和而不失香醇.
即叫即做的奄列, 櫃台專人即製, 材料有芝士粒, 火腿, 莞茜, 洋蔥, 白菌, 番茄.... 師傅問我: 要甚麼配料做奄列...??? 心諗: ....要晒所有...是常識吧...
煎出來的奄列, 半熟半濕之間, 夠晒滑溜, 切半塊百吉包來配搭最好!
師傅煮完奄列, 改頭換面, 做迷你漢堡包, 全名是: 煙芝士牛肉漢堡包.
今次是自由落配料, 煎完的漢堡牛扒, 自己取番茄, 青瓜, 醬汁, 酸菜.
一層一層加上去, 最後高到... 必塞得入口, 要用手掌一壓... 好有快感, 番茄和牛肉都被壓至變形, 汁液也噴了出來... 突然...先覺得自己有些少變態...
主菜是: Herbs Crusted Baked Australian Rack of Lamb with Red Onion Jam and Lavender Jus 香草牛油包糠焗澳洲羊架配紅洋蔥醬及薰衣草燒汁, 異常大件, 三條骨... 聞到好香!
用香草牛油包做的麵包糠焗出來, 是否普廬旺斯香草???我唔知道喎...哈哈哈.., 煎香羊架, 塗青薄荷醬可去羊羶味, 但我鍾情黃芥末多一些, 個人喜愛, medium well的熟度, 肉質軟嫩, 多汁, 外層香脆, 羊羶味低.
甜品時間, 熱情果芒果茉莉香撻 Passionfruit, mango and jasmine tart, 合桃焦糖咖啡奶凍餅 Coffee caramel and walnut mousse cake, 和雲呢拿合桃泡芙 Vanilla and pecan nut choux, 順應潮流, 甜度略低, 但軟滑不減, Choux內的custard醬... 實在太好味, 我一口氣食了五個...
鞽麥蛋糕 Buckwheat torte, 同樣是寫明: low sugar, 食完... 感覺良好... 哈哈...
Haagen-Dazs Chocolate 任食... 不得了呀... 食了三杯之後, 再攞一杯, 用來做waffles...
waffles櫃位, 其實也有雲呢拿雪糕供應, 但當然不及Haagen-Dazs吧...
紅豆窩夫配雲呢拿雪糕 Red bean waffles with vanilla ice-cream, 自家製, 改頭換面, 用Haagen-Dazs的朱古力雪糕, 剛焗起的Waffles, 熱力迫人, 把雪糕溶了三分一, 入口更滑溜.
朱古力及紅子紅莓子三文治 Chocolate and raspberry sandwiches, 已經太飽.... 無緣...
鬆軟黃梅芝士餅 Fluffy apricot cheese cake..., 得個睇字, 食唔落了....
紅莓子開心果仁馬卡隆 Raspberry and pistachio macaroons, 好想食... 除非扣喉... 哈哈..
飽到要起身行一行, 原來還可以上樓上, 觀看下面的環境...
張貼
