影片
更多
2018-09-30
43 瀏覽
食過中環總店嘅十層海膽杯之後，發現原來S2佐敦都有分店，啱哂我呢啲放假唔想過海嘅九龍懶鬼哈哈不過唔同嘅係，佐敦分店主打鐵板燒，中環店係日式居酒屋~之前食過幾間鐵板燒，食完個肚都仲好空虛(好可能係因為我大食)，但今餐...我真係食到好飽!!😂鋪頭喺佐敦同柯士甸站之間，橫街行入少少就見到，門口好大個燈籠好易認🏮入去坐底之後侍應就送上一杯有粒桔嘅熱茶(之後問返先知原來係青柑參茶) 加咗幾次水都仲飲到有柑味，每個菜之間嗒一啖可以清下味蕾，不錯☺️之後望下張枱，筷子隔離有個套嘅🤔哈哈原來係木筷子頭，拆開個套之後將佢擰上去個筷子柄上面(銀色嗰度)，好得意🙈玩完對筷子先睇menu~我揀左A5和牛北海道原隻粒貝套餐好快就上咗沙律同刺身煙鴨胸沙律盛合杯三點刺身好新鮮，隻蝦好大隻☺️北海道原隻粒貝師傅加左啲中間少少黑松露，粒貝燒完好多汁，飲埋🤤慢煮法國凍鵝肝配時令水果鵝肝火候剛剛好，外脆內軟，入口充滿油香，配埋塊多士一脆一軟咁，食兩啖鵝肝再咬啖密瓜，即刻中和返無咁油膩~見到密瓜隔離有啲黑色一粒粒以為係藍莓啦，咬落去...爆開嘅🤔(黑人問號)原！來！佢係分子料理黎架，藍莓味嘅爆爆珠哈哈哈嗰下覺得自己好大鄉里🙈終
不過唔同嘅係，佐敦分店主打鐵板燒，中環店係日式居酒屋~
之前食過幾間鐵板燒，食完個肚都仲好空虛(好可能係因為我大食)，但今餐...我真係食到好飽!!😂
鋪頭喺佐敦同柯士甸站之間，橫街行入少少就見到，門口好大個燈籠好易認🏮
入去坐底之後侍應就送上一杯有粒桔嘅熱茶(之後問返先知原來係青柑參茶) 加咗幾次水都仲飲到有柑味，每個菜之間嗒一啖可以清下味蕾，不錯☺️
之後望下張枱，筷子隔離有個套嘅🤔
哈哈原來係木筷子頭，拆開個套之後將佢擰上去個筷子柄上面(銀色嗰度)，好得意🙈
玩完對筷子先睇menu~
我揀左A5和牛北海道原隻粒貝套餐
好快就上咗沙律同刺身
煙鴨胸沙律盛合杯
三點刺身
好新鮮，隻蝦好大隻☺️北海道原隻粒貝
師傅加左啲中間少少黑松露，粒貝燒完好多汁，飲埋🤤慢煮法國凍鵝肝配時令水果
鵝肝火候剛剛好，外脆內軟，入口充滿油香，配埋塊多士一脆一軟咁，食兩啖鵝肝再咬啖密瓜，即刻中和返無咁油膩~見到密瓜隔離有啲黑色一粒粒以為係藍莓啦，咬落去...爆開嘅🤔(黑人問號)
原！來！
佢係分子料理黎架，藍莓味嘅爆爆珠哈哈哈
嗰下覺得自己好大鄉里🙈
終於到主菜和牛喇☺️
見到師傅攤開塊薄切和牛，放咗大量葱花同炸蒜片上去，卷埋切開上碟，成個過程1分鐘搞掂！果然牛肉入口非常嫩滑！葱同蒜片不但無蓋過牛肉嘅味，反而同啲牛油混埋一齊，嗰種好味係難以形容嘅哈哈
S2特式黃金炒飯
我揀咗黑松露，炒出嚟好香好乾身，無過多嘅調味反而食到各種材料嘅原味燒野菜
其實食到呢度我已經飽到上膊頭，但係啲野菜又好甜喎，咁樣食下食下又食哂成碟，仲食完先發覺無影相😌
S2鐵板紙包蜆湯
師傅連膠袋放上鐵板度加熱，好似實驗室做實驗咁好搞笑
蜆湯味道清淡，好適合食完鐵板燒解膩
最後食埋個雪糕泡芙
媽呀，我飽到上頸喇🙈
張貼
