滿屋日本料理 (大埔超級城C區)

營業中

休息中

好耐無食放題，趁新年之前同友人去食返餐先。落單係scan QR code直接網上揀，簡單易用仲可以同時多人落單方捷又方便，啲嘢食都出齊無漏單。刺身好新鮮肥美，切得大大舊唔孤寒，款式都幾多。壽司雖然比較細粒但味道唔錯。炸物即叫即炸熱辣辣好好食，芝麻雞翼仲好juicy。燒物唔會太燒得過火啱啱好，仲附有檸檬加啲酸味更惹味。辣酒煮東風螺大大粒，啖啖肉。雪花牛肉鍋湯底係壽喜燒，味道甜甜地，有粒生雞蛋撈埋一齊食，好滑好好味。牛油粟米好香好爽口，encore咗兩次。除咗手機落單外，出面仲有個自助吧，有前菜同幾款炸物任夾，另外仲有個朱古力噴泉添。飲品除咗汽水同啤酒外，仲有清酒同梅酒任斟，好正。