影片
更多
2015-05-13
1029 瀏覽
第一日實習成功搞掂, 梗係食返餐好嘅慰勞下自己啦~約埋友人放工後去試我一直好想試既素菜, 然後直落甜品!!!曉晴減完肥後轉咗食半素，係認真個隻，所以連素肉我都唔食(其實味道都唔係好討好囉) 所以要就我口味食嘢係真心難嘅～於是友人諗盡辦法想搵一間係食真素食既餐廳嚟陪我慶祝完Sem兼順利渡過第一日實習啦，於是搵到呢排好Hit嘅新派素菜餐廳—素菜一家。睇門面已經覺得好舒服，可能因為用淡黄燈嘅關係，加上位置相當闊落，而且用淡啡色的木材做主調，真係好有一種返咗屋企嘅感覺。 坐到卡位都好舒服，枱面乾淨企理，餐具兼備，非常精緻，茶係用玄米茶，經過學生一番折騰後可以食餐好嘅真心開心。菜牌圖文並茂，款式甚多，不論真純素，含素肉的齋菜還是蛋奶素都兼備，啱晒所有人嘅口味，我最怕就係素肉。 最盞鬼嘅係竟然連西式甜品都有，芝士蛋糕啦朱古力brownies啦Cream Puffs都有，真係不得了，雖然已經鐵定咗下場一定要去食甜品放題，但係素食餐廳有甜品食就真心要試下啦！因為友人唔係第一次食，佢話素食一家嘅餐點偏向細碟，所以就算要留肚食甜品都可以嗌多少少，於是我地就每個分類都嗌一道菜試下～(注：唔好諗住食素就可以清
曉晴減完肥後轉咗食半素，係認真個隻，所以連素肉我都唔食(其實味道都唔係好討好囉) 所以要就我口味食嘢係真心難嘅～於是友人諗盡辦法想搵一間係食真素食既餐廳嚟陪我慶祝完Sem兼順利渡過第一日實習啦，於是搵到呢排好Hit嘅新派素菜餐廳—素菜一家。睇門面已經覺得好舒服，可能因為用淡黄燈嘅關係，加上位置相當闊落，而且用淡啡色的木材做主調，真係好有一種返咗屋企嘅感覺。 坐到卡位都好舒服，枱面乾淨企理，餐具兼備，非常精緻，茶係用玄米茶，經過學生一番折騰後可以食餐好嘅真心開心。
菜牌圖文並茂，款式甚多，不論真純素，含素肉的齋菜還是蛋奶素都兼備，啱晒所有人嘅口味，我最怕就係素肉。 最盞鬼嘅係竟然連西式甜品都有，芝士蛋糕啦朱古力brownies啦Cream Puffs都有，真係不得了，雖然已經鐵定咗下場一定要去食甜品放題，但係素食餐廳有甜品食就真心要試下啦！因為友人唔係第一次食，佢話素食一家嘅餐點偏向細碟，所以就算要留肚食甜品都可以嗌多少少，於是我地就每個分類都嗌一道菜試下～(注：唔好諗住食素就可以清腸胃，以下落嚟介紹嘅餐點都係肥膩到喊)
先嚟小食，煎腐皮卷！曉晴唔食嘅，一嚟熱氣，二嚟有陰影，所以只係嗌嚟俾友人過下口癮，佢就話無乜特别，幾香口囉～
接住嘅係上湯肉碎浸豆苗。 實際上係菜苗，菜苗好難煮得好食，一係有渣，一係太老，一係草青味太強大，所以唔係咁多人鍾意嘅。 但呢度既菜苗好新鮮好香甜，應該都係過咗油，去咗個陣草青味，但個茨汁太濃了，有啲粟粉都未開好，友人食到一團粉團，真心笑了，用返上湯會好啲，但係整體上菜苗係新鮮既，係好食既。
接下來嘅係香草焗飯。 其實就係香草醬加雜菜再加芝士焗，又有咩特别呢？友人特别鍾意素食一家既焗點，因為味道夠濃，芝士同香草忌廉醬都絕對唔姑寒，對於無肉不歡嘅朋友嚟講一啲都唔會寡，你唔會覺得自己係食緊素菜架！味道亦好特别，應該混了不只一種香草，同飯非常夾架！
而且層層芝士，畢啲飯個陣係會有芝士拉絲架～睇到都覺得開心！
食之前梗係有上openrice做定功課啦～野菜秋葵大阪燒係必點之物，冒住會肥死的危機點了一客。 反而這個是很大的一份，我揀汁另上，費事咁濃味啦~黎到見到係哇一聲，係曉晴最鍾意食既煎菜餅呢！
一切開，都係發現同一毛病，就係料太多，未烘熟就上碟，所以裡面還有未熟的粉漿，可能下次要烘一烘熟才出碟會較好呢！但味道是極佳的，菜甜餅香，煎得脆脆的，非常乾身，不油，這是廚師的功架呢！友人點上燒汁和沙律醬吃就更加美味，味道進一步昇華呢！食友們果然沒介紹錯，這個是很值得點的！
吃到這裡已經有點飽意了，不能再吃，再吃便去不了甜品放題，但這裡的甜品也不容放過！於是點了藍莓芝士蛋糕，因為這道甜品很巧功夫在於芝士打得夠不夠滑，很多甜品店的芝士蛋糕都會卡喉，不太美味，也會很膩，要考驗餐廳，當然要叫芝士蛋糕啦！
十多元只有一小塊有點不划算，如果可以大件一點就好了。
店員哥哥話，蛋糕係澳洲的有名大廚退休後自己開設小工房做質料上乘的甜點，都是素食的，所以老板就向大廚拿貨了~他強調好多次：「芝士真係好滑，出面食唔到咁滑架！試下啊！」於是就勇敢地咬了一口。嗚啊！真係好滑，連唔食甜野既友人都話芝士蛋糕又香又滑，食得出材料係靚野，不過就甜左D，我都覺得甜左少少，應該係藍莓醬既關係，但整塊蛋糕係食完之後唔會好漏好滯，係好清新既感覺，我食完都無想嘔既感覺 (平時食芝士蛋糕會嘔，因為太膩)，果然係質量上乘之作！貴係貴左D，但值得試既，我反而好奇個Chocolate Brownie係咩味哈哈！
真係食素食到大滿足，無假肉，全部真素菜，又無添加味精，食完都冇唔舒服，無味精敏感啊！加上環境舒服，上菜快，店員笑容可鞠，又有禮貌，添茶都好快~ 係味道對於我呢個已戒調味料既人黎講濃左D，但絕對適合個D怕食素好Dry既人，如果你係嫌食素好Dry既人既話，素食一家一定會令你對素食改觀！值得推介呢！
張貼
