影片
更多
2021-10-29
3375 瀏覽
我未聽過割烹，第一次聽的確有興趣，記得東京都有試過呢類餐廳，整體感覺係幾好，不過價錢都貴得多，而香港有就當然不會錯過。睇到上網食評見到咁靚，當然要叫老公帶我去，可惜，最快book到夜晚，咁當然照去。夜晚享受的環境就無咁靚，但望住黑漆漆的海景都有好寧靜的感覺。不是下下食刺身，有多種不同烹調手法，就如去到個小旅行。當晚食了15 courses，大部分也好有驚喜，一於每樣睇下，以下寫重點中的重點。1. 三種不同的cold cut帕爾瑪火腿配上蜜瓜，不同的層次，就這個開場，同以往感覺不同，以為佢著重日本食材，原來唔係，我個人來說幾加分。 2. 刺身一定係最悶的東西，係象拔蛂同海膽，鮮味一流，雖然話悶，但吃得出料靚，而且刀功好，配搭得宜。 3. 我個人不太喜歡有泡沫的東西，呢間野會有像這個方法去處理魚生類，夾著呑拿魚腩的炸海苔同芥茉的泡泡都做得幾靚，至少我無討厭，吃下去也幾新奇可愛又好食。 4. 我唔特別好花膠，女人還是不可以吃太多，但呢度絕對不可以錯過。花膠天婦羅應該係第一次見，加上紫蘇葉炸過後，簡單的美。5. 花膠鵝肝蒸蛋，好滑的蒸蛋，加上好補嘅花膠，會唔會有女人不愛，不過講真，最特別係有
睇到上網食評見到咁靚，當然要叫老公帶我去，可惜，最快book到夜晚，咁當然照去。
夜晚享受的環境就無咁靚，但望住黑漆漆的海景都有好寧靜的感覺。
不是下下食刺身，有多種不同烹調手法，就如去到個小旅行。
當晚食了15 courses，大部分也好有驚喜，一於每樣睇下，以下寫重點中的重點。
1. 三種不同的cold cut帕爾瑪火腿配上蜜瓜，不同的層次，就這個開場，同以往感覺不同，以為佢著重日本食材，原來唔係，我個人來說幾加分。
2. 刺身一定係最悶的東西，係象拔蛂同海膽，鮮味一流，雖然話悶，但吃得出料靚，而且刀功好，配搭得宜。
3. 我個人不太喜歡有泡沫的東西，呢間野會有像這個方法去處理魚生類，夾著呑拿魚腩的炸海苔同芥茉的泡泡都做得幾靚，至少我無討厭，吃下去也幾新奇可愛又好食。
4. 我唔特別好花膠，女人還是不可以吃太多，但呢度絕對不可以錯過。花膠天婦羅應該係第一次見，加上紫蘇葉炸過後，簡單的美。
5. 花膠鵝肝蒸蛋，好滑的蒸蛋，加上好補嘅花膠，會唔會有女人不愛，不過講真，最特別係有個鵝肝係後面，太出奇的配合。
6. 碗物用上樹記的響鈴，呢個係我打邊爐必吃的東西，豆乳湯飲一口，勁甜勁好飲，而我覺得有三個層次，先飲一口湯，剩吃一口響鈴，再加響鈴落湯，唯雞肉唔夠滑，如果滑少少都完美。
7. 忘記另一提，天婦羅大部分都做得好好，特別係一個鱈場蟹，我未試過呢個咁滑嘅texture，同食刺身差不多 ，但外層係天婦羅，無番咁上下手技，無可能做到的效果。
8. 燒牛柳，全日本全香港都係，呢個唔會特別出色，但係就係好食，而且鹿兒島的牛的味道較濃較香，去到呢度食剛剛好。
9. 到自家製意粉，用上海膽、海苔醬、烏魚子，等等勁濃味東西，好得，意粉像極了那些Pici般的感受。
10. 甜品太飽根本食不到，但那碗綠茶真心帶左我去日本。
下次應該要去食午餐，聽講再出左新餐牌，睇黎又要去了。
飲食有很多時都講機會和緣份，希望有緣再聚。
張貼
