芝加哥串燒酒場 (太和中心)

營業中

休息中

適逢朋友想飲杯嘢傾心事，我哋嚟咗依間咁就腳嘅酒吧串燒店。 雖然外面落緊大雨， 餐廳依然滿座，好彩等一陣就有位，唔使坐出面淋雨。 酒類都好多選擇， 我哋就叫咗一杯手工啤酒spitfire同埋一杯apple cider, 慢慢養魚吹水。 雖則話依度係一間酒吧 ，但係食物質素高，串燒款式多，簡直係佐酒佳品。上菜排場一流，價格亦不貴。生蝦刺身一盤6隻， 五十幾蚊價格合理。泰式辣醬味道夠曬刺激， 生蝦都好新鮮，完全沒有腥味。 人人都愛吃嘅燒茄子，燒茄子嘅熟度恰到好處，燒到 夠晒林，入口非常惹味。 香蒜蔥花廣島蠔一定係必點之選。蠔既肉質夠厚，夠曬脆口肥美，再加上野味嘅香蒜，值得一試。 糯米飯雞翼， 其實係貪佢夠飽肚，怕食唔飽。但食落口感不足，外脆內嫩。 超級滿意嘅兩款燒物，一份就係宮崎雞髀肉。雞髀肉非常之嫩滑，而且佢嘅外皮非常脆口惹味，所以連燒雞皮都唔使再點，慳左。而磯燒牛扒 性價比非常之高，食落口感軟嫩，一啲都唔 韌，而且牛味香濃,油脂適中。 仲有好多蔬菜類選擇，不過我哋只係點咗呢款同芝士焗雜菌。 係我哋至愛嘅燒韮菜。雖然韭菜唔靚略為老咗一啲，但食落依然惹味。 而芝士焗雜菌，用嘅芝士係車打芝士食