影片
更多
2018-11-11
81 瀏覽
想與朋友想飲下野，又想試到酒店級既美食，仲想睇下波？友人推介去一間於尖沙嘴既彌敦左岸，地店相當便利。入到場內，唔太嘈。設有駐場樂隊表演，不過去當中就無緣遇上。酒吧式高檯跟椅子，暗黃色燈光，再加霓虹燈既配搭下，仲有音樂一直播緊美國既黑人音樂，有種好似番去左美國黃金年代咁，內場招待相當快速，好細心咁介紹有咩好食。好等我地一行人唔洗再費神去考慮食咩～頭盤 法國煙鱔西班牙辣肉腸意大利白豆青蘋果嫩菠菜沙律配黑松露油醋汁一般我去食頭盤都係食到呢兩種口味，一，一堆沙律醬加火箭菜；二，一堆柚子油醋加一堆生果；今次呢個頭盤有驚喜。鱔，由於我係一個傳統人，鱔既煮法黎唔開黃酒，再唔係清蒸。呢個鱔用左煙燻，唔講我仲以為係三文魚腩。口感滑溜，啖啖肉。已去皮，帶有少許煙燻味。不錯。意大利白豆口感少少似紅腰豆，但係豆味濃，再加上黑松露油醋有開胃作用。唔會有喧賓奪主既感覺，頭盤已經好成功咁令我對呢間酒吧既信心大增。主菜一 威靈頓牛柳 係其他餐廳食過，酒吧食就第一次。以往食開個形狀似係一條長既豬肉捲，今次呢個似菠蘿包。旁邊伴有焗薯。賣相簡單而出眾，味道而言，可以用英式經典形容，先由牛柳講起，用左安格斯級，比ｃｈｏｉｃｅ
酒吧式高檯跟椅子，暗黃色燈光，再加霓虹燈既配搭下，仲有音樂一直播緊美國既黑人音樂，有種好似番去左美國黃金年代咁，內場招待相當快速，好細心咁介紹有咩好食。好等我地一行人唔洗再費神去考慮食咩～
頭盤 法國煙鱔西班牙辣肉腸意大利白豆青蘋果嫩菠菜沙律配黑松露油醋汁一般我去食頭盤都係食到呢兩種口味，一，一堆沙律醬加火箭菜；二，一堆柚子油醋加一堆生果；今次呢個頭盤有驚喜。
鱔，由於我係一個傳統人，鱔既煮法黎唔開黃酒，再唔係清蒸。呢個鱔用左煙燻，唔講我仲以為係三文魚腩。口感滑溜，啖啖肉。已去皮，帶有少許煙燻味。不錯。意大利白豆口感少少似紅腰豆，但係豆味濃，再加上黑松露油醋有開胃作用。唔會有喧賓奪主既感覺，頭盤已經好成功咁令我對呢間酒吧既信心大增。
主菜一 威靈頓牛柳 係其他餐廳食過，酒吧食就第一次。以往食開個形狀似係一條長既豬肉捲，今次呢個似菠蘿包。旁邊伴有焗薯。賣相簡單而出眾，味道而言，可以用英式經典形容，先由牛柳講起，用左安格斯級，比ｃｈｏｉｃｅ級好，但不到Ｐｒｉｍｅ級好，比上不足，但比下有餘。收你３６８蚊，算交足貨啦～牛柳五成熟，入面捲有黃芥末，蘑菇泥。就係差左塊火腿，美中不足！不過收你呢個價錢，我都覺得合理，牛柳肉汁豐富。唔會食柴咁。就連伴菜都唔會失色！個薯仔好好食，點佢附上既肉汁絕對係人間美食！好出色呢個菜！
主菜二 黃金烤龍蝦原隻龍蝦，栗米蓉，法邊豆意大粉飯 傳統意大利飯係我眼中真係好睇師傅手勢。煮得出色可以特顯到師傅既精緻度同埋繁複度。先由飯講起，唔好以為好似平時我地煮白飯咁，禁個飯煲就食得，完美兩回事黎，飯中吸收哂雞湯味，少少酒味，鹹味應該來自收尾既牛油，由於煮意大利飯中，絕對唔可以係飯中加鹽，湯汁既量又唔可以多到滾起，又唔可以少到乾炒。整理上味道係唔錯。唯獨美中不足係個汁多左Ｄ，正宗意大利飯係飯中有汁，呢個飯有少少似湯汁飯，龍蝦點解會係黃金面，因為酒吧都順應呢個鹹蛋黃熱潮，將龍蝦面上放上一層薄薄地既鹹蛋黃。肉質結實但多汁，唔太乾，反而龍蝦比較出色～
甜品 法式千層酥伴自家制雪糕 三層酥皮拌芒果肉忌廉，創新與傳統結合，口感鬆脆，好香蛋味，糖粉係酥皮上有畫龍點晴效果，忌廉好幼滑，再加埋千層酥既鬆脆感，口感雙層享受。其次就係個雪糕，好滑溜，軟度恰到好處，冇結霜。加上啖啖雲尼拿味，而唔係化學味，甜品方面都做到酒店級，絕對高質！
整體係柔和既音樂，高質素既食品，再加上內場耐唔耐都會幫我地收走已用餐完既餐碟，上菜會再一之介紹菜式，好等我對菜式加深。服務態度一絲不拘，所以我先會話呢間酒吧可以用高質素形容，其次如果一大班篤波友可以考慮呢間，呢度有一個波檯，可以一邊享用美食，一邊篤波！
張貼
