君臨宴會廳

營業中

休息中

一家人經常周圍飲茶， 今次到君臨宴會廳， 對這區不太熟悉，只是求其入一間酒樓。 點心的質素普普通通， 最好食都是鮑汁鳳爪， 炆得夠淋又入味。 粟米蝦球的蝦肉非常鬆散， 食食下我有懷疑過未熟。 排骨鳳爪味道正常， 排骨份量都幾多。 春捲脆卜卜入面有鮮蝦肉，正！ 臘腸卷用原條臘腸夠誠意， 雖然肥膩但真係好好味。 魚腐湯米線味道清清地， 不過不失啦。 甜品叫了煎堆仔， 味道不太甜其實幾好，可惜溫度不夠熱。去茶樓食點心最重要是溫度夠熱， 最好是即叫即蒸！