星海薈 (利舞臺廣場)

營業中

休息中

< 譽宴 • 星海 > 📍 銅鑼灣今日同屋企人去銅鑼灣飲茶 佢地嘅環境同點心都唔錯👍🏻🥟招牌胡椒濃雞湯灌湯餃上次食過呢個灌湯餃真係好好味，今次就同啊媽一人一碗😛 胡椒雞湯好濃郁，灌湯餃皮薄饀靚，索晒湯底好入味。另外仲有件雞髀肉，好嫩滑😆 💛燒賣飲茶一定要叫嘅燒賣😆 燒賣好大粒，蝦隻爽口，唔會好多肥豬肉，食完都唔會好膩。🤎姬松茸野菌翡翠粉果啊媽叫咗個野菌翡翠粉果，一籠有三隻，每隻都皮薄餡靚。入面啖啖野菌，好香姬松茸味，口感十足。🦐鮮蝦腸粉我就叫咗一碟蝦腸。呢度嘅蝦腸幾大條，而且蝦仁好大隻，每隻都好爽口😋 最特別係加咗生菜絲，口感豐富。另外佢地嘅叉燒酥同蛋撻都好好味，屋企人都話呢度坐得舒服，可以慢慢歎茶。