車氏粵菜軒 (已結業)

香港其中一種特色美食聚會當然係週末全家去飲茶啦。歐美朋友我會介紹他去中環美心，克林頓都去喎！國內朋友去國金軒啦，豪o麻！再o吾係去龍皇、港島廳踫下明星！大陸朋友鍾意見明星多過食好野。我自己就反而鍾情去車氏，坐得麻麻地但係點心好食！吃過車氏全部點心了，今次介紹其中幾款：1.炸芋角：一D都吾油，芋頭夠粉夠香，鬆化！2.排骨陳村粉：車氏的代表作，選了的排骨仔細細粒，每粒有骨有肉，肉又彈牙重肉味，陳村粉滑而韌，吸左豉汁排骨的味道，好味！唯一挑剔係粉太油！3.椒鹽排骨仔：排骨仔選材好，點煮都已經好，加上車氏炸功一流，做得好乾身冇油淰淰，脆又惹味，滿分！4.魚頭米線：限量發售，好正！魚湯味濃，米線滑漏又吸滿魚湯鲜味，記得加胡椒粉、葱白粒和大頭菜蓉，會令味道更佳。5.墨西哥叉燒包：墨西哥餐包外皮甜脆鬆化又濃牛油味，內裡o既蠔皇叉燒配合得天衣無縫，叉燒肥瘦比例恰到好處，冇得挑剔！6.懷舊豬膶燒賣：黃沙膶高膽固醇，正呀！更正係面頭果塊腐皮，吸收晒餡o既味道。