新竹園軒

營業中

休息中

上兩個星期放大假就當然同兩老一齊去飲茶啦。呢一間茶樓係老公同奶奶飲過覺得好食的，所以就今次帶埋阿爸阿媽一齊去食。我哋叫咗成枱食物，就費事介紹晒咁多食物了☺️主要介紹我哋都覺得好食嘅食物！第一，凍藥膳鳳爪，兩老冇咩牙力就唔係好咬到，但係個人係覺得好好食的。藥膳味都偏濃，加上本身鍾意食凍嘅鳳爪，所以讚🤩第二，蟹籽燒賣皇，兩老表示冇食燒賣就唔代表係飲咗茶，所以每一次都係必叫即點心🤣燒賣大大粒，入面有豬肉冬菇蝦同普通燒賣冇咩分別。第三，潮州粉粿，粉果的皮唔會好厚仲係煙靭的。入面嘅餡料都係滿滿的，不錯不錯👍🏻第四，蜜汁叉燒腸粉，腸粉皮唔會好厚，所以唔會覺得好粉。叉燒都好腍，兩老都可以食到🤪