Panino Giusto (已結業)

食完晏，送埋媽咪返學，Auntie R就帶咗小肥去中環嘆咖啡，重點推介喺IFC入面o既意大利咖啡室「Panino Giusto」。餐店並冇帶位服務，大家最好搵咗位坐先好去買野食，因為喺收銀處落完單，就會被派發號碼牌，服務生好快就會送上食物。點好食物，剛好有兩位食客離開，所以好快就有位坐。Auntie R眼利，留意到餐桌有好多污漬，更立刻叫樓面姐姐抹一抹。下午兩點半，店子座無虛席，不過大多都似遊客，個個都一袋二袋戰利品，而且滿口外地方言，所以都比較嘈雜。不到五分鐘，咖啡及甜品隨即送到，效率真係幾高。咖啡迷Auntie R叫咗杯Americano，奉送錫紙包住o既朱古力脆皮雪糕一粒，auntie形容為必吃甜點，嘻嘻，亦好誠意地送咗俾細姪仔食。脆皮雪糕粒甜脆軟滑，送咖啡食用果真一流！小肥叫咗個「Affogato」，雲尼拿雪糕好夠香滑，無奈espresso偏酸，咖啡味又唔係好夠濃，失色咗少少。