篤篤車 (已搬遷) 新店位置

最近在報章見到報導, 呢間元朗新開的車仔麵湯底好吸引, 有泰式湯底 + 港式車仔麵料, 放假諗住黎食, 估唔到咁多人排隊! 好彩等左大約15分鐘就有位, 而等位期間又可以諗定食咩, 畫紙仔, 時間都好快過! 冬蔭功湯配米粉, 配蘿蔔、豬腸、金菇、雞翼, 冬蔭功湯揀左少辣, 辣度對我黎講都幾高, 有刺激感, 同惹味, 不過我又幾鍾意呢個湯, 巿面上好多冬蔭功湯包括泰國當地食到的都太鹹, 但呢個就唔會, 可以飲到底都無問題, 亦唔會太濃郁, 作為湯底岩岩好, 仲可以唧d青檸汁出黎, 味道更有層次, 而我鍾意佢呢度既湯份量好夠, 真係比你飲湯飲到滿足的份量。港式車仔麵配料反而無咩特別, 因為見慣見熟吧, 質素係幾好的, 份量亦都多, 雞翼都有兩隻, 係滷水的會有甜甜地味道, 豬腸就洗得乾淨而且唔太肥, 幾有咬口。另一個揀左泰國鱷魚湯, 配豬腸、金菇、冬菇、珍珠元貝, 鱷魚湯好少見, 鱷魚肉亦好矜貴, 飲落真有鱷魚味, 好似屋企湯咁, 亦都唔太鹹同份量好夠, 呢個湯可揀辣同唔辣, 我地揀左唔辣, 冬菇甜甜地, 應該都係滷水, 而珍珠元貝就爽但無味, 個人唔buy不過朋友覺得可以, 連湯一齊食就