EIGHT GRAND Bar & Restaurant (已結業)

星期五7pm黎到唔洗等位，入座講明得1.5hr進餐時間，其實唔係好夠時間食，一食完就趕我地走..薯條$8x好好食丫！薯條偏幼身，上枱時熱辣辣，脆卜卜，個honey mustard醬好正丫！Mocktail唔記得係"狗"定"monkey"飲唔出蜜桃味，薄荷味太重有d似牙膏但朋友個杯"羊"就幾好飲，似kiwi柚子蜜好易入口什錦taco大概100蚊多dd，有魚，牛，豬，羊，友人覺得炸魚最好食，芒果牛肉味道唔錯，但太多辣油一路食一路滴到我好狼狽仲叫左個carbonara 但竟然係好濃嘅蔴油味，所以成碟都食唔到carbonara應有嘅味..唔係話難食，但似食緊出前一丁..實在太奇怪啦！