春陽茶事 (新城市廣場) (已結業)

Lunch 行過見到新開嘅奶茶店， 就喺快圖美對面。 完全冇人，飯後想飲珍珠奶茶就點左個烏龍鮮奶，中 size ，微冰，糖三分二。加珍珠，共32元。難怪冇人，伏到呢。 鮮奶冇鮮奶味， 茶亦都冇茶味， 呢杯烏龍茶邊有烏龍味？ 明明叫咗三分二糖，成杯又好似糖水咁，好失望。 飲唔到一半就掉咗。講下粒珍珠，珍珠得個甜，中間食到硬嘅， 我期待又彈牙 有趙口嘅珍珠 去咗邊？仲要加三蚊 ！！！珍珠應該未煲熟呀喂！。侍應姐姐好好人，好細心講解奶茶嘅種類。讚好。 佢話奶茶底可以揀紅茶或者烏龍茶。下次想飲珍珠奶茶我會走多幾步，行遠啲。