輕時光

營業中

休息中

見到依間舖頭都已經好幾個月，一直都唔知佢係買乜嘅，直至到有一次停低望下個餐牌，先知道原來佢哋係買飲得嘅乳酪。飲得嘅乳酪......我成日好驚飲完會肚痛，一直唔敢嘗試。有一次響其他地方飲過水果乳酪，感覺都比較良好，所以今次都夠膽嘗試呢一間新開嘅舖頭。我就叫咗芒果乳酪，大少就嗌左藍莓乳酪。我哋兩個都係嗌少冰少甜。我見到佢哋都係用新鮮生果做嘅飲品，味道比較自然。我杯芒果乳酪味道就啱啱好，大少就話個杯藍莓味道清淡咗少少，下次可以試下士多啤梨。總括來說我覺得味道唔差，如果已經對珍珠奶茶或者水果茶已經飲到悶嘅，可以不妨一試。