貢茶 (嘉湖新北江商場) (已結業)

阿媽同細佬食完飯話好口渴，想飲番杯野解下渴。新北江台式飲品選擇唔多，comebuy每次叫乜冇乜，貢茶相對comebuy會較多野飲買，所以都係去買貢茶飲。見到有新野飲上市，鐘意試新野既屋企人各試左草莓奶茶同香蕉巧克力。草莓奶茶過份甜膩，已經叫左少甜，但係都係好甜，而且冇乜奶茶味，阿媽飲完話仲口渴。細佬既香蕉巧克力相當麻麻，香蕉味薄弱，朱古力味道唔太濃，加左奶蓋都唔滑，細佬飲完都大叫口渴即時買左枝水飲。兩杯新野飲都要改善以上問題，唔係好難會再買黎飲。