影片
更多
2018-11-07
254 瀏覽
是日同屋企人出街食飯，一去到冇咩人，所以即刻入得，店員好好仲安排左一張闊D既位俾我地4個坐，枱夠闊擺到多D食物，又有多個位擺袋，個個都坐得舒服。同屋企人一人點左一個主食，再叫左D小食share，屋企人點左青越火車頭河(呢個忘記左影相)，海南雞飯同手撕雞湯河，而我自己就點左三竇撈檬，小食就點左一字骨雞翼同越式拼盤同軟穀蟹沙律。先講沙律先，因為全晚實在太多肉啦，所以忍唔住叫個沙律平衡一下。果軟穀蟹沙律，軟穀蟹得一隻，但爸爸話好粉，我都冇食到，沙律D菜好新鮮冇苦味，醬汁就靠上面既蘿蔔絲，醬汁食得出有黑醋同豉油味，簡簡單單唔會太鹹，岩哂配今晚其他偏重口味既肉食。然後呢個一字骨雞翼，有8件，一字骨真係好方便食，味道方面岩岩好，但係炸得過火左，所以雞翼偏鞋口同硬，有D扣分。而越式拼盤方面包括左芝士蝦餅，香茅豬肉蝦餅，春卷，香茅雞翼，每樣各兩件。芝士蝦餅D芝士都幾足料，記住趁熱食。香茅豬肉蝦餅爸爸食左話入邊有花生，所以我就冇食到。至於香茅雞翼因為我自己點既撈檬有，所以拼盤既我就冇食啦。春卷係典型越式果種春卷，內餡係紅白蘿蔔絲木耳絲豬肉碎等等，外面炸得夠脆，凍左少少食都唔會食到成口油，可惜果內餡太鹹啦
同屋企人一人點左一個主食，再叫左D小食share，屋企人點左青越火車頭河(呢個忘記左影相)，海南雞飯同手撕雞湯河，而我自己就點左三竇撈檬，小食就點左一字骨雞翼同越式拼盤同軟穀蟹沙律。
先講沙律先，因為全晚實在太多肉啦，所以忍唔住叫個沙律平衡一下。果軟穀蟹沙律，軟穀蟹得一隻，但爸爸話好粉，我都冇食到，沙律D菜好新鮮冇苦味，醬汁就靠上面既蘿蔔絲，醬汁食得出有黑醋同豉油味，簡簡單單唔會太鹹，岩哂配今晚其他偏重口味既肉食。
軟穀蟹沙律
22 瀏覽
0 讚好
0 留言
然後呢個一字骨雞翼，有8件，一字骨真係好方便食，味道方面岩岩好，但係炸得過火左，所以雞翼偏鞋口同硬，有D扣分。
一字骨雞翼
10 瀏覽
0 讚好
0 留言
而越式拼盤方面包括左芝士蝦餅，香茅豬肉蝦餅，春卷，香茅雞翼，每樣各兩件。芝士蝦餅D芝士都幾足料，記住趁熱食。香茅豬肉蝦餅爸爸食左話入邊有花生，所以我就冇食到。至於香茅雞翼因為我自己點既撈檬有，所以拼盤既我就冇食啦。春卷係典型越式果種春卷，內餡係紅白蘿蔔絲木耳絲豬肉碎等等，外面炸得夠脆，凍左少少食都唔會食到成口油，可惜果內餡太鹹啦，淡返D會好D，就係呢到扣左分。
越式拼盤
18 瀏覽
0 讚好
0 留言
屋企人點既都不過不失，冇食到，所以唔評論，佢地都話正常水準，冇話特別出色或難食。
海南雞飯
18 瀏覽
0 讚好
0 留言
手撕雞湯河
$53
20 瀏覽
0 讚好
0 留言
我自己食左三寶撈檬，有香茅豬扒，扎肉加香茅雞翼，每樣各兩件，扎肉3片。香茅雞翼炸得好脆，醃得岩岩好，唔會太鹹，肉嫩口，好食。扎肉冇咩特別。香茅豬扒就令我有D失望，係好硬，都幾難咬開，味道正常但口感唔得。檬粉正常，冇咩特別。
青越三寶撈檬
$68
22 瀏覽
0 讚好
0 留言
食物黎講真係冇咩特別，冇太大驚喜，個別仲令人有小失望。但成晚黎講飲品係加分位，店員有推介跟餐點特飲或沙冰有6折，而普通凍飲加8蚊，熱飲痂蚊。我自己點左青黃不接，即係青瓜加菠蘿沙冰，味道好fresh，青瓜同菠蘿好夾，唔會太甜，好好飲，屋企人試飲都話好唔錯。而屋企人點既芒果沙冰都好飲，唔會太甜。
青黃不接
$32
29 瀏覽
0 讚好
0 留言
芒果沙冰
$32
14 瀏覽
0 讚好
0 留言
最後既小插曲係，因為呢間餐廳可以儲里數，甘到買單果陣想儲里數，店員就話如果想儲里數的話係需要全單正價，換言之跟餐既飲品需要以正價俾先可以儲里數，因為同屋企人都覺得都食左五百幾蚊成近300里，冇理由因為飲品果少少錢唔儲里數，所以我地決定俾返飲品正價。同屋企人都覺得店員們都冇錯，推介我地用6折跟餐點野飲都唔知我地要儲里數，而且服務都好好，成晚加水執枱都好快手又會介紹下呢D跟餐優惠同餐牌上既野，爸爸要飲冰水，店員又攞成杯冰俾佢，仲俾埋滾水佢熱左D冰，甘就有冰水飲。收銀店員都冇錯，佢都係跟規定做野姐，只能怪自己今次冇睇清楚同問多句先，沙冰唔計6折都唔算貴好多，而且質素好得，媽媽都覺得就算俾正價30蚊飲都OK，不過因為爸爸點左凍檸茶，正價居然係二十五蚊杯，如果要儲里數既朋友要小心﹗最好點餐前問多句儲里數既野，唔係就會好似我甘奶左野。
整體黎講，食物質素一般，服務可能因為人唔多，所以比我預期好。因為屋企附近又可以儲里數，加上想食越南野，所以就揀左食呢間，真係冇咩特別，係飲品特別少少。
張貼
