木衛二鑄茶所 (怡和街) (已結業)

近埋珍珠奶茶店越開越有，有增無減，印象中係銅鑼灣最HIT既飲品店係老X堂，果然，一行到果條怡和街，嘩!打哂蛇餅，阻住條街，行都行唔到，心諗洗唔洗咁誇張啊! 見到條隊都唔開胃，跟住決定去呢間木衛二。呢間見無乜人排就去買，到我叫果陣仲未揀到飲邊杯就就咁望多次個餐牌，第一個就見到鐵觀音奶茶，所以就叫左呢杯野飲!鐵觀音奶茶($25)，呢杯野有好重的鐵觀音味，第一次飲呢類型既奶荼，都覺得幾特別，有時有幾啖苦苦地，有D回甘， 呢間係沖茶方面絕對係有誠意既，著重茶味既人建議可以試下呢間D野飲，如果下次經過都會再試下其他款式既野飲。