唇茶 (旺角中心第一座) (已結業)

喺旺中行到有d渴，見間舖有中式茶飲，就去買返杯。由於都有d人聚集，我就行前兩步喺櫃台前望吓個menu，可能人多的關係，收錢嗰位姐姐走向我前面，塞張紙menu俾我叫拎住張menu行開d睇，會清楚d，唔洗企喺喥。咁我惟有照做啦！揀完之後，我去order六月飛雪。嗰位穿淺綠色外套加牛仔裙位姐姐走過來，我向佢表明要熱飲，佢問我咩size? 明明份menu好清楚列明熱飲只有Large size, 不禁問佢，乜熱飲唔係得Large咩？佢就再提高聲線問我要咩size呀？佢隔離嗰位笑容可掬的男仔向我哋表示熱飲係只得Large size。然後我又問嗰位姐姐，飲品可否走甜，佢話，冇走甜，最多少甜。咁就少甜啦！最後俾錢，我已經同佢講用八達通比錢，但佢完全冇理會，我惟有再問佢係咪可以拍咭，所以等飲品其間，我係盡量避免走到阿姐的視線範圍。等咗10分鐘，終於等到我杯飲品。唔知係咪台前嗰位男仔笑容可掬嘅原故，杯原本叫咗少甜嘅飲品都特別甜。總結：杯入面真係有雪梨乾，無花菓同桃膠㗎！感覺都健康d啦！飲品比較偏甜，員工態度走兩極化，不妨一試。三十幾蚊一杯茶都唔算平，可以搵間可以坐下來慢慢飲嘅coffee shop。