影片
更多
2020-06-10
14 瀏覽
今日剛剛去完沙灘，天氣熱而且剛剛曬完，好想搵個地方飲下啤酒再chill下。返到大埔就去咗附近的芝加哥串燒酒場，飲番杯啤酒嘆吓。之前都有朋友去過呢度食過，環境唔錯，而且食物都好好，所以再來encore！一坐落緊係要每人一杯KIRIN啤酒啦！曬完最岩就係飲酒放鬆下。呢度串燒種類多，即叫即燒，所以煮都需要時間，不過唔緊要，黎得酒場就係要慢慢嘆！第一輪就點了一堆肉類串燒。辣度揀左中辣，都幾辣。大蔥雞髀肉串$19雞髀肉好滑，有肉汁，而且好入味，配搭大蔥香氣十足，燒得些少焦香，爽甜。好好味！水牛城雞翼 $23本身帶有辣味既水牛城雞翼，味道已經好濃郁，再加上辣粉，辣到出汗！超正。不過食完頭先既雞髀肉串，就覺得雞翼燒得乾左些少。燒雞翅包飯 $19 必食推介！之前食過一直念念不忘的就是呢個雞包飯！雞翅肉質滑溜，雞皮塗上了蜜糖，香甜再點辣，好食！裏面的飯去煙韌有口感，份量小小，但有飽肚感，係必食！ 日本一口番薯仔燒 $19日本番薯仔本身夠甜，已經好好食，燒過後更有焦糖味道，就更正！招牌茄子燒 $32味道十分濃郁，而且茄子水份多，很濕潤，配上上面的蒜香和香蔥很惹味！酥炸芝士條非常芝心，而且能夠拉絲，配以沙律
一坐落緊係要每人一杯KIRIN啤酒啦！曬完最岩就係飲酒放鬆下。呢度串燒種類多，即叫即燒，所以煮都需要時間，不過唔緊要，黎得酒場就係要慢慢嘆！
第一輪就點了一堆肉類串燒。辣度揀左中辣，都幾辣。
大蔥雞髀肉串$19
雞髀肉好滑，有肉汁，而且好入味，配搭大蔥香氣十足，燒得些少焦香，爽甜。好好味！
水牛城雞翼 $23
本身帶有辣味既水牛城雞翼，味道已經好濃郁，再加上辣粉，辣到出汗！超正。不過食完頭先既雞髀肉串，就覺得雞翼燒得乾左些少。
燒雞翅包飯 $19 必食推介！
之前食過一直念念不忘的就是呢個雞包飯！雞翅肉質滑溜，雞皮塗上了蜜糖，香甜再點辣，好食！裏面的飯去煙韌有口感，份量小小，但有飽肚感，係必食！
日本一口番薯仔燒 $19
日本番薯仔本身夠甜，已經好好食，燒過後更有焦糖味道，就更正！
招牌茄子燒 $32
味道十分濃郁，而且茄子水份多，很濕潤，配上上面的蒜香和香蔥很惹味！
酥炸芝士條
非常芝心，而且能夠拉絲，配以沙律醬，很香口。
燒大啡菇
這個大啡菇充滿水份，味道比較清淡，用上煙肉和雞蛋做簡單調味，但吃得出菇香。
燒鳳梨
食串燒邊少得食燒菠蘿，燒完令菠蘿味更香甜，而且鎖住水份，淡淡菠蘿肉汁。
最後兩個人埋單$500多，但食得好滿足，係一個宵夜和同朋友聚會嘅好地方。
張貼
