芝加哥串燒酒場 (太和中心)

營業中

休息中

今日同朋友去咗太和食串燒，餐廳嘅氣氛好好呀，播住奧運大家一齊睇飲下酒，又會播唔同嘅歌。鍾意飲酒嘅朋友一定唔可以錯過呢間，佢星期一就買一送一啤酒，星期二就二送一，如此類推，啤酒同串燒又幾夾。XO醬生蠔188有六隻，燒得啱啱好，又唔會太咸。茄子就係食串燒必嗌嘅，面頭有啲孜然粉炸蒜，食落好香口。芝士條有六條，仲可以拉絲添幾過癮。培根年糕串好驚喜，培根有少少蜜糖嘅香味，韓式年糕有燒得好煙韌，韭菜都係串燒必備，呢個好食過茄子添。職員都好好禮貌，唔錯㗎。