鴻星中菜 (源成中心) (已結業)

下午黎左鴻星酒樓飲下午茶，都有孖寶點心，呢d都叫抵食既，$42兩款點心，其中紅油炒手幾好味，辣度適中又夠味，但係雲吞既數量比較少得4粒，芝麻煎堆仔d芝麻餡好好食又香又脆。正價點心係下午茶時段有7折，所以都叫左牛肉腸粉，好滑身好食，仲有緊係重頭戲，蝦餃燒賣，一粒一小籠，份量好大粒好高級咁，燒賣上面都有一隻大蝦。除左點心，仲叫左d粉麵填肚，乾燒伊面好夠味，但係就比較油膩，仲有燒鴨米線，燒鴨份量好多，正呀！