醍醐茶寮 (已結業)

地方唔太大，分2層，上邊是閣樓，所以寫明堂食人均最低消費$32。菜牌的名稱都有些搞作，例如：飯飯掂定食、獨當一面套麵，玩吓諧音呢！ 手撕雞套餐：小食3款：台式滷蛋，風味酸菜、刀拍青瓜，手撕雞絲和青菜，還配一碗肉燥飯。齋看份量和類別都很多，仲有杯台式飲品，承惠$58都幾抵。小食唔太鹹，風味酸菜似潮式酸菜。手撕雞絲是涼菜，雞肉唔嚡。肉燥較深色，可能是用的醬油顏色較深，但味道唔算好鹹，肉碎亦唔太肥，好入味，撈飯吃好開胃。原味珍珠奶茶正宗，甜度適中，你亦可自己決定甜度，唔稀有奶味，珍珠QQ。台風鹽酥雞麻醬擔擔麵台式擀麵，外觀明顯份量少很多，麵唔多，幼麵條都很彈牙，湯底有微微麻醬味，唔辣的。 鹽酥雞外脆雞肉畧乾唔juicy。男士來說，要靠喝奶茶才夠暫時飽肚了。 如果覺得吃飯都無問題的話，飯飯掂定食雖多8蚊，似乎較合經濟原則囉！