花椒子 (已結業)

旺角睇完套子華神嘅「飯氣攻心」啱啱又係中午食飯時間，成個區度度都係食肆，都唔知揀邊一間，終於捐咗落雅蘭商場地庫呢間「花椒子」，入到去「黑媽媽」，同出面日光日白係兩個世界。雖然中午但唔係坐好多人，一下子就搵到位，見menu有午餐選擇，咁就順理成章揀一個餐嚟食。牛肉香鍋：用個小鐵鍋裝著牛肉和配菜，再用蠟燭保暖感覺幾有誠意，只係牛肉有點乾，不過份量係夠嘅，仲有萵筍同蓮藕片等配菜，算係幾好。本來飲品想叫杯珍珠奶茶之類，點知侍應話晏晝冇珍珠奶茶之類的飲品，唯有叫一杯青檸芒果手搖茶，口感幾特別，酸酸味味，夠醒神。小食叫了流心黃金蛋，有一份辣輕輕滲出，不錯。一個餐圍起六七十蚊個，價錢見仁見智，有餸跟小食、飯同嘢飲，而家外面食差唔多都係呢個價錢。