泛后甜品 (已結業)

如果係元朗同朋友飯聚的話, 通常食完飯都仲好早,大家都依依不捨離開的, 因為平時要約齊腳並不容易,大家總係想見多一面多一面, 有時唔係因為仲有好多野要傾,只係想將呢一份共聚情懷延續,平時最多幫襯的都是佳記甜品(B仔), 不過 B仔 來來去去都只係得三四款值得食,未必可以完全滿足晒每一位朋友, 所以有人提議不如試下呢間 "泛後甜品",佢係每一方面的質素都做得比較平均, 唔似佳記只係倚仗某三幾款耍家野,今晚有老有嫩, 我地叫左 好多杯西瓜冰, 有榴槤班戟, 有水果涼粉, 有綠豆沙, 芒果西米露, 西瓜涼粉, 芝麻糊等等,同行老少都食得非常開心, 沒有一個有投訴, 價錢亦很相宜, 值得下一次再試.