SHAKE!T

營業中

休息中

今日路過旺角，聽朋友大力推薦話有間店舖嘅奶昔好飲到不得了，仲有窩夫同其他飲品，一於去飲下！✨呢間店主打創新窩夫三文治系列，選擇多樣，其中金莎朱古力榛子醬窩夫真係一試愛上！我本身已經係金莎迷，呢款窩夫當然係必選！朱古力香濃，榛子醬同窩夫夾到絕一絕，甜度岩岩好，食落唔會膩，口感超級豐富！🍫🥞至於意大利開心果醬奶昔加開心果碎，更係驚喜滿滿！面層鋪滿開心果碎，一啖入口已經充滿濃郁堅果香，奶昔奶香濃郁，口感順滑，入口即化，仲帶少少咸香，層次感十足。義大利開心果醬果然真材實料，每一口都感受到濃厚開心果風味，好！實！在！🥤💚呢間店無論係甜品定飲品，質素都超高，絕對值得推介俾鍾意奶昔同窩夫嘅朋友，有機會一定要去試試！😋👍