初凝 · 芝茶 (已結業)

旺角掃街之旅，食完雞蛋仔就黎左呢間手搖飲品店。見到佢地有啲特色野，初凝芝多芒3.5拿鐵 同 初凝芝士多啤梨3.5拿鐵 (各$38)。佢地標榜唔用奶精，全部都係用德國鮮奶，令到每一杯嘅牛奶飲品更加濃更加滑。芒果嗰杯真係有新鮮芒果肉喺下面嘅，之後加芒果茸再加上鮮牛奶同奶蓋。我叫咗少甜，味道啱啱好，飲落唔似一般嘅手搖茶，反而好似食緊飯後甜品，都幾飽肚下。士多啤梨味亦一樣，最底有士多啤梨肉，加上新鮮鮮奶最頂就有一層奶蓋，啱晒我最鍾意食士多啤梨嘅朋友。個人好鍾意佢店舖嘅唔同飲品款式，唔似一般嘅剩係得唔同茶款再加一樣奶蓋，如果想食少少甜品嘅話不妨嚟到試吓啦。