估唔到未必最理想既 Captain 糖
都有得意的出品:0
味道: ★★☆☆☆
抵食: ★★☆☆☆
服務: ★★★☆☆
環境: ★★★☆☆
★最高為5星(即全黑色)
☆最低為0星(即全空白)
分別有以下3樣:
1. Oreo 芝士餅 ★ ($12)
2. 雲尼拿雪糕配朱古力醬焦糖班戟(即熱香餅) ★ ★ ($37)
3. 荔枝雪糕配菠蘿盎 ★ ★ ★ ($45)
Oreo 芝士餅
味道: ★☆☆☆☆
抵食: ☆☆☆☆☆
雖然係加$12，但我完全食唔到有乜水準可言，只係Oreo 餅底做得較硬身而已，因為佢既慕絲(mousse) 外層加內裡既芝士，我食落真係麻麻地，強烈對比下餅底變得有口感。
雲尼拿雪糕配朱古力醬焦糖班戟(即熱香餅)
味道: ★★☆☆☆
抵食: ★★☆☆☆
大家睇圖就見到朱古力醬焦糖完全係配料，起初以為個班戟有少許特色，個班戟做得比甜牙牙同老麥好，友人選既雪糕同班戟沾上中量既朱古力醬同焦糖，口感唔錯同食完冇乾身感覺，敗筆既係雪糕比預期溶得快！
1
味道: ★★★★☆
抵食: ★★☆☆☆
本身我唔打算入去哩間鋪，不竟以前賣個價錢比較貴，是次見Menu 加左少許平價野，同埋有西瓜盎&菠蘿盎，但我入去都係諗住食西瓜盅，因為菠蘿盅哩一種咁既甜品，存貨同整都比較麻煩，所以咁惡搞既野，拎黎做綽頭呃人入去吧！
最主要係季節限量供應，通常都係得西瓜，最後係有得揀菠蘿，最後菠蘿盎出到黎，顏色味道都超班，遠拋離明師傅既西瓜盎，質素高幾等！芒果雖然得少量，竟然係甜既芒果真係比較少見。
但敗筆既係菠蘿內籠比較窄，材料放得比較少，因為甜品師偷懶或慳料既關係，放得6粒涼粉，3小塊芒果，2粒小蜜瓜，4粒菠蘿粒，同埋雪糕一小球，性價比有點低，勝在材料夠新鮮同埋罕見的甜品類別，食落有種比較驚喜的感覺，主因係西瓜盎成日都見同食材非當做的季節。
環境同擺設，未有令我耳目一新感覺，擺設一般，Menu雖然用好多顏色去整，反而令我眼花撩亂，同埋部份冷熱符號用天文台既符號，有點枯燥乏味！
