飯丸屋 (永華大廈) (已結業)

佢除咗西環之外都重有幾間分店，不過好似都係主要外賣為主🤭.🍗🍙 日式炸雞飯糰 $40麻糬波波 +$13佢啲飯糰係即叫即整，拎上手重係熱！飯糰嘅基本配置係一塊午餐肉同埋一塊煎蛋，煎蛋我食嗰時有啲啲過熟，有啲鞋口😂😂 炸雞有3舊，唔算好細舊嘅。炸雞配咗蛋黃醬，唔會好乾，同埋都係佢主要嘅味道來源！🟠🟣麻糬波波其實就係炸包心芋圓，炸到脆卜卜又煙韌😋🍤🍙 炸蝦天婦羅飯糰 $38明太子薯條+蜂蜜檸檬 +$22有一條原整嘅炸蝦，配上明太子醬，唔油膩，蝦肉都爽口。望落雖然份量唔係好多但其實都夠飽！🍟薯條係粗薯條，我都係要咗明太子醬！蜂蜜檸檬我冇影到相🤭😂 就係凍檸水加🍯