影片
更多
2021-08-30
117 瀏覽
成日聽人講食法國菜要食幾個鐘，原來真係㗎🤣食Service，食擺盤，每一碟都係藝品。景觀唔算係太好，但勝在餐廳有情調，可以係安靜嘅環境品嚐一餐法國菜。難得靜靜地同男朋友傾下計。先黎一啲homemade既包包，我比較鍾意芝士脆片，芝士味好香好脆。仲有佢哋餐廳自製嘅Sun dry tomato butter，揸法包食好好味❤️仲有個餐前小食，都係Homemade 既蕃茄薯片夾住油浸鴨肉。香煎小魷魚及辣椒茄子凍配香草田園沙律原本見到辣椒加茄子🍆有少少抗拒，但食落竟然味道清甜，一層層既手工值得欣賞。另外值得一提嘅係嗰啲黃色嘅珠珠，口感似三文魚子，食落係清新嘅檸檬味。香煎鵝肝和黑糖黑麥吐司配杏脯溶呢塊鵝肝，係我覺得成餐飯裏邊最耀眼嘅食物。係厚切☺️☺️熟度啱啱好，幸福嘅感覺就係咁容易得到。 馬爾芒德蕃茄清湯配血色瑪莉香草什色茄莎莎龍蝦湯及巴馬臣芝士薄脆配椰香酸忌廉個名勁長🤣。味道係由淡到濃，蕃茄清湯，清澈完全冇任何沉澱物，味道帶酸甜。龍蝦湯味濃裏面有魚子粒粒，仲有少少龍蝦肉。特級牛肋條和松露馬鈴薯團子及自家製竹炭雲吞配檸檬泡沫檸檬泡沫入口一閃即逝，令人想再試清楚個味道。黑白鴛鴦色嘅意大利雲吞入邊包住牛
食Service，食擺盤，每一碟都係藝品。
景觀唔算係太好，但勝在餐廳有情調，可以係安靜嘅環境品嚐一餐法國菜。難得靜靜地同男朋友傾下計。
先黎一啲homemade既包包，我比較鍾意芝士脆片，芝士味好香好脆。仲有佢哋餐廳自製嘅Sun dry tomato butter，揸法包食好好味❤️仲有個餐前小食，都係Homemade 既蕃茄薯片夾住油浸鴨肉。
香煎小魷魚及辣椒茄子凍配香草田園沙律
原本見到辣椒加茄子🍆有少少抗拒，
但食落竟然味道清甜，一層層既手工值得欣賞。另外值得一提嘅係嗰啲黃色嘅珠珠，口感似三文魚子，食落係清新嘅檸檬味。
香煎鵝肝和黑糖黑麥吐司配杏脯溶
呢塊鵝肝，係我覺得成餐飯裏邊最耀眼嘅食物。係厚切☺️☺️熟度啱啱好，幸福嘅感覺就係咁容易得到。
馬爾芒德蕃茄清湯配血色瑪莉香草什色茄莎莎龍蝦湯及巴馬臣芝士薄脆配椰香酸忌廉
個名勁長🤣。味道係由淡到濃，
蕃茄清湯，清澈完全冇任何沉澱物，味道帶酸甜。龍蝦湯味濃裏面有魚子粒粒，仲有少少龍蝦肉。
特級牛肋條和松露馬鈴薯團子及自家製竹炭雲吞配檸檬泡沫
檸檬泡沫入口一閃即逝，令人想再試清楚個味道。黑白鴛鴦色嘅意大利雲吞入邊包住牛肋肉同芝士。牛肋條雖然入邊係全熟嘅，但軟身唔會un 。
烤白鴿配慢煮茄子和莫薩里拉芝士及風乾蕃茄配泰國青檸檬橄欖油
白鴿口感軟熟 唔會好似燒乳鴿咁鞋口
但入口都有鴿應有既甘香❤️
芭樂雪葩配鮮紅石樓及泡沫
又係啲一閃即逝嘅泡沫🤣，真係一個好好玩嘅口感。清一清個口嘅鹹味！
烤上等牛里脊肉和鵝肝牛油冧酒及夏日松露配馬爹利醬
鵝肝牛油唔係想像中咁有鵝肝味。反而欣賞佢嘅馬爹利醬濃度適中，配上牛肉味道好夾。
櫻桃餡奶酪卷及自製香草雪糕配皮塔脆皮和焦糖醬
奶酪卷酥脆，配上雪糕冷熱夾雜😋，一個完美嘅甜品為整餐，畫上完美嘅句號。
最後咪仲有一個好特別嘅甜品
如果個女友一齊佢一定會好鍾意
朱古力下面，係菠蘿味嘅棉花糖，冰冰地爽爽地味道清新唔係太甜。
張貼
