Mamaday (已搬遷) 新店位置

在麻麻哋嘅日子就要嘆番個令人心情愉悅嘅晚餐，好味嘅食物總係有一種治癒力。於是乎我就去咗食我最鍾意嘅全日早餐❤️呢度嘅全日早餐款式特別，一上枱見到兩大塊炸蝦片就知行泰式feel!翠綠嘅新鮮蔬菜同埋雜莓水果酸甜開胃，仲有一碗仔胡麻醬烏冬，低卡路里之餘又好味👍 主菜係二想不到嘅蜜汁香茅豬頸肉😍啖啖肉口感之餘，肉質仲好嫩滑，配埋香甜嘅蜜汁，無得頂！Pizza都好鬼正！呢款🍕又係黑松露野菌比薩。。。好悶呀🍕食落一啲都唔悶，薄脆嘅批底上層鋪上厚厚的如積雪一樣的芝士😍然後你會見到一條條黑松露路軌，哇，正到呢！一放入口香氣撲鼻，味覺大爆發，好食到手上面嗰件未食完隻眼就望住下一件了🤣！老公就好鍾意呢款有蟹go又有蟹肉的蟹蟹蟹意大利扁面，的確蟹肉同埋蟹膏呢個配搭鮮味十足，仲要成個意大利面係蟹膏嘅加持之下變咗青啡色，食起嚟完全feel到嗰種濃郁同埋鮮甜😋仲加咗蟹籽增加口感。飲品叫咗法式焦糖咖啡同香蕉朱古力奶昔，咖啡不過不失啦，香蕉奶昔造型幾靚，好啱打卡！