德福閣

營業中

休息中

德福閣自助餐性價比真係幾高，星期一至四晚上折後係$368。有生蠔、松葉蟹腳、青口、魚生、壽司、凍蝦。首先上台之後，每人會有四隻新鮮嘅生蠔食，以呢個價錢來講相當抵食。唔夠食仲可以喺自助區度拎芝士焗生蠔。服務新嘅態度非常好，唔使擔心食物會俾人拎晒，因為佢哋會定時refill，同埋佢哋會主動幫你收走食完嘅空碟！冷盤方面，有Parma ham,同埋個款沙律例如中華沙律,涼拌腐竹,多到任君選擇。熱食有好多唔同嘅選擇，例如福建炒飯、葡汁焗雞扒丶藥燉牛腩丶美式燒豬肋骨丶焗青口雲蘇同埋蟹肉扒時蔬。最驚喜係有成條大嘅清蒸海上鮮，而且識落非常新鮮，好有魚味。仲可以飲返碗中湯或者西湯。甜品真係多到大開眼界，有楊枝甘露同埋個款蛋糕：分別有椰絲蛋糕、tiramisu蛋糕丶芒果慕絲蛋糕、日本和果子、馬卡龍、朱古力噴泉、仲有即製pancake同埋梳乎厘。最重點係有任食move pick，真係食雪糕都會回本