麻辣小聚 (Ladder Dundas) (已結業)

川菜真係無論點食都食唔厭，前幾晚又同左朋友食川菜，今次就食咗呢間叫做麻辣小聚嘅餐廳。地道辣子雞 $168辣子雞真係點食都唔會厭，雞肉炸得酥脆，辣椒同花椒味重，越食越開胃，好彩份量都唔係特別少。剁椒蒸大聖子 $18.8$18.8一隻真係好抵食，於是我哋一人叫咗一隻。 聖子食落口感爽口彈牙，幾新鮮咁。剁椒蒸完好香，但唔會太辣。孜然牛肉粒 $168話就話係牛肉粒，但其實好似一片片牛柳咁。牛肉食落嫩滑多汁。孜然味好重，本身見到呢碟牛肉粒上面有好多芫荽，都驚驚地，驚會有好重芫荽味，點知食落其實係孜然味姐，冇乜芫荽味嘅，可以放心食。酸辣土豆絲 $88好大碟，土豆絲好爽口，唔會好辣，酸酸地好開胃，送飯一流。黑糖桂花冰粉最後有黑糖桂花冰粉食，解辣一流，食落幾清新，甜而不膩。