鮨亭 (已結業)

去屯門搵朋友交收費便食飯聚舊 佢就帶我去置樂花園附近搵食 估唔到入面有咁多餐廳我地都不約而同想食日本菜 佢就帶我去食壽司餐廳裝修偏向日式居酒屋 亦有omakasa提供我地分別叫咗五件壽司 一份卷物 一份沙律 一份串燒 同埋兩枝啤酒蔥碎吞拿魚腩軍艦 一份有兩件 好抵食 吞拿魚腩砌成蓉 幼細香滑 口感軟綿綿 魚油香滲入珍珠米 海膽軍艦 金黃色顆實海膽鋪滿飯面 一口溶化 蛋黃香留於口腔之內 無腥味 帆立貝壽司 厚身肥美而且肉質Q彈鮮甜 配合珍珠米享用 好滿足到我最愛嘅中拖羅壽司 價位中等 紅橙色嘅中拖羅 油脂分佈平均 入口即溶 拖羅切法係一大片 唔係細細塊 總結性價比高鐵火卷 其實即係吞拿魚小卷 一碟有六碟 中間嘅吞拿魚算得上厚切 味道同樣鮮香一口一件 唔會太膩角切刺身和風沙律 材料包括甜蝦 兩款刺身 刺身新鮮 唔會因爲做沙律而用頭頭尾尾配上和風沙律醬 酸酸地 好開胃 燒牛舌 一份有兩串 邊位脆卜卜 中間軟腍 好香牛味 加上鮮檸檬汁 燒得啱啱好同朋友食飯最緊要有啤酒 配合日本食材 今餐食物啱 人物啱 地方啱 完美