哈魯邦韓國料理 (已結業)

好多人話過呢間餐廳質素唔好，態度又差，嗰日行過，就膽粗粗試下。無錯，呢間餐廳嘅服務的確差左啲，但食物水準幾好,。嗰日我哋係臨收舖先走入去，都冇話無禮趕我哋走，我哋都諗咗一段時間先落order, 個女侍應係韓國人，雖然講嘢語氣係掘啲，但態度又未至於差。我哋order咗一set 晚餐，有南瓜湯，有自己烤嘅肉，又有韓國炒粉絲，又有石鍋飯，味道很好。因為我唔食牛肉，特別要求唔要牛肉，個女侍應就話轉豬肉俾我，碟肉嚟到就有雞肉、豬肉同羊肉，不過個menu本來只有牛同雞，都幾驚喜﹗而且個女侍應仲自動轉埋其他食物入面嘅肉，成個餐牛肉自動唔見，都幾細心﹗成餐飯，除咗個南瓜湯涼咗啲之外，其他食物水準幾好，亦係一般正宗韓國菜嘅價錢，兩個人食咗約$400。可能一般人會認為好貴，但香港正宗韓國菜唔多，價格都係咁上下。