生記茶餐廳 (已結業)

我一直覺得水蟹粥、杏仁餅、花生糖等，都係屬於澳門嘅美食文化遺產，所以，食靚嘅蟹粥就要過澳門。 而就算香港有靚嘅杏仁餅同花生糖，我都唔會無端端喺香港買嚟食。不過，澳門嘅美食真係唔少，隨口都數得出 : Robuchon au Dome、船屋、水佬榮、細龜炒面、六記、榮昌... 所以，過澳門玩兩日一夜，真係要一日食足八餐，先食得哂想食嘅嘢! 生記嘅出現，我覺得幫到一d手，原因係喺澳門食蟹粥嘅Quota可以慳番，free出嚟食第樣嘢! 生記嘅蟹粥同其他海鮮小食又平又好食，從此，正嘅蟹粥不再是澳門獨有了! 蟹粥平時就可以喺香港食! 今次兩個人來，除了叫了蟹粥，仲有炸八爪魚丸、蠔仔春卷、冬蔭功浸蜆，食完之後仲可以去食甜品。生記嘅蟹粥有原隻蟹，兩至三人食份量剛好，蟹粥有鮮味，有蟹膏。 八爪魚丸夠大粒，炸到金黃色，入口彈牙，內有啖啖八爪魚粒，不是一般街市雪藏貨! 冬蔭功浸蜆很惹味，雖說是冬蔭功湯底，但有加入番茄，不算很辣。蜆肉不是太大隻，但以這價錢來說是收貨的，冬蔭功湯配蜆味道也很夾。蠔仔春卷、蜆肉春卷之前我是聞所未聞的，兩者都很吸引，但為免重複食蜆，我們選擇了蠔仔春卷。 蠔仔春卷吃得出是誠意之